لقاء كارثي
لقاء كارثي
يا ابني بتعمل صوت عادي عادي كانت واقفه بقالها شويه حلوين و مركونه و لسه المكنه بتشتغل
ضحكوا كلهم و علي كان ميت من الضحك
عشري….. اخر ما غلبت روحت ودتها كذا مكان في الاخر طلعت العفشه فيها مشكله و واخده خبطه و دي كانت بتاعت واحد صاحبه و هو عايز يوجب معايا و قال عادي خبطه بسيطه تتعالج
حسان….بضحك بعني لبسك لصاحبه
عشري …..و باقتناع علي فكره
عمر…..هو لبس الكل عموما علي مشكله بيبقي عايز يساعدك و في نفس الوقت هو طيب اوي وبيصدق اي حد فا يجي يلبسنا احنا
عشري الكبير….انا ما بقيت امشي وراه صدقتوا كتير وكل مره اخبط في الجدار
ضحكوا كلهم علي علي
مصطفي….طيب مين اكتر حد يحب بسرعه و يدخل علاقه و يندم بسرعه
الشباب مع بعض بضحك علييييي
ليله…..بضحك احيه عالسمعه
ايمي……يا جدع ده البني ادم سيره برضوا
فطسوا كلهم من الضحك و علي كان ميت من الضحك
نجود….فاضحنا علي طول
احمد جوز اميمه…..بضحك مالهم ومالك يا علي
علي….ب.ضحك بيغيروا مني عشان مش عارفين يعملوا زيي
عمر ….يا جدع نعمل زيك ايه
سليمان….بهدوء علي هوائي و ديما مشاعره مش مستقره سبحان من هداه
سليم….بضحك انا لو من مراتك اسيبك
علي….بضحك يا واطي اسكت
نعيمه…..علي انت واضح انك اكتر حد ليه علاقات
عشري الكبير…..علي قلبه يساع من الحبايب الف
عشري….بهمس مسموع العرق دساس يا حاج
ضحكوا كلهم علي عشري
علي…..انا بحب اجبر بخاطر الكل والله
ايمي….مش عين زايغه يعني
علي….بضحك والله افتري
مصطفي….بضحك طيب مين هنا من اللي قاعدين اول مره شاف حد خد انطباع عليه بس رجع غيره لما اتعامل معاه و بصراحه و خلوا عندكم جرأه
عشري…..بابتسامه طيب انا هقول و دي اول مره اقولها
مصطفي….بضحك اكيد ليله
عشري….بابتسامه لا والله اول حد شوفته و حسيت اني مش هقدر اتعامل معاه خالص و كيماتنا مش هتركب مع بعض ايمي
ايمي……احيييييه عليا انا يا بلطجي
ضحكوا كلهم
حسان….بص اتنطرت ازاي
ايمي…..والله متوقعتش طب ليه
عشري…..بضحك معرفش بس حسيت ان انا وانتي مش هنعرف نسلك مع بعض يعني ايه وسلمي و نادين و نعيمه كانوا بالنسبالي طيبين كده و لذاذ انما انتي كنت حاسك شريره كده و هتبقي حماه رخمه لان ايمي وليله قريبين من بعض اوي فا كنت حاسس ان اي حاجه ممكن تحصل بيني انا وليله ايمي هتكون سبب فيها
