لقاء كارثي
لقاء كارثي
سلمي…..اه اكتر حد قريب من عشري
مصطفي……طيب نغم صحيح انتي كنتي بتصيفي في مصر و لا في ايچيبت
نغم….بابتسامه يعني ايه
مصطفي……يعني تبع بتوع ايچيبت و لا تحيا مصر والنبي عربي زينا
نغم….بضحكه جميله لا هو انا بصراحه اول مره اجي بحر اصلا
مصطفي بصلها بصدمه وكلهم بصولها باستغراب و ابتسموا
رهف……ده بجد
مصطفي….اول مره في حياتك ولا اول مره تيجي السخنه
نغم…..لا والله اول مره في حياتي اجي بحر
ايه…….مروحتيش مصيف او رحله خالص
ابتسمت نغم وهزت راسها
مصطفي…..بتشتغلينا صح
نغم….والله العظيم ابدا
مصطفي….يعني دي اول مره في حياتك تشوفي البحر و قاعده عادي كده
نغم….بضحك طيب اعمل ايه
نعيمه….منزلتيش بحر اصلا
فضل….ياستي بتقولك مراحتش هتنزل فين
نغم…..انا شوفت البحر في التلفزيون و البحر الوحيد الي شوفته النيل
سلمي…..طيب حتي وهي ماما عايشه مروحتوش
نغم…. بابتسامه لا والله ماما كانت بتخاف تروح اماكن بعيده بيا انا وانغام و مكانش في حد يوديها و يودينا فا عمرنا ماروحنا و بابا عايش في اسماعيله من زمان و مكانش في حد يروح معانا بس
عشري….بابتسامه عادي عادي بتحصل اصلا مفاتكيش كتير
ايه…..بضحك والله انتي الكسبانه انا عندي فوبيا منه اصلا اخري اقعد عالشاطئ
احمد….هتروحي بعد كده كتير واهو الصيف جاي ان شاء الله البنات يروحوا و تتبسطي معاهم
ايمي….. بابتسامه هاديه عايزه تجربي البحر يا نغم ؟
نغم….بابتسامه والله نفسي بس مش بعرف اعوم
ايمي….لو حابه اخليكي تجربي عادي و مش شرط تدخلي جوه اعملي زي ايه كده عالشاطئ
نغم….بضحكه جميله اصلا مش معايا لبس بحر
ايمي….عادي اجيبلك هنلاقي هنا
رشيد….لا البحر ساقع الجو برد اصلا مش هتقدر
ايمي….يا سيدي تجرب من نفسها
نغم….بابتسامه لا لا خليها اي وقت تاني
ليله…..الجو بس يكون حر شويه و هنوديكي يا نغومه و بكره تزهقي منه
نغم….بابتسامه ان شاء الله
علي…..طيب ليه منزلتيش في اسماعليه علي فكرها بحرها حلو اوي
نغم ….انا عمري ما روحتها اصلا
علي….مش بباكي هناك
ليله…ااااا اه هناك بس هي مش بتروح يا علي
نغم….بهدوء بابا و ماما كانوا منفصلين من زمان و كنا عايشين مع ماما و هو متجوز هناك وعمري ما روحت هناك اصلا
علي…..بص لعشري و ليله اللي عنالين يبرقولوا ااا اه اه انا اسف والله معرفش حقك عليا
