لقاء كارثي
لقاء كارثي
و عشري عمال يغيظ في ليله و هي بصاله ورافعه حاجبها وعناله تستحلفلوا
فضلوا يشغلوا اغاني لحد ما رجع في فرق بينهم تاني بقوا سابقينهم بسبع نقط ريهام كانت عماله تجاوب
حودا…..يابت اسكتي شويه مش عارف اقول حاجه
سلامه…بغيظ وطريقه مضحكه افسخ الخطوبه انا اللي بقولك
ضحكوا كلهم علي سلامه
ريهام….بضحك يا نهار اسود انت الي بتقولوا
سلامه…ااااااه مش بتساعديهم يكسبوا اقعدي جنب امك بقي هيسيبك يا اختي سيبها ياعم
حودا….بضحك استهدي بالله
ايه….بضحك سلامه متعصب بجد
سلامه…..بس يا بتاعت التكاتك انتي كمان ده انتي وهي ليلتكم زرقا معايا يا عم سيب البت دي
حودا….بضحك هتسيب ايه
سلامه….لا بس هكالها علقه
كلهم فطسوا من الضحك علي سلامه
حسان…بضحك اقتلوا ليله هنكسب علي طول
سلمي….بضحك هنكسبكم برضوا نلكش دعوه بيها
مصطفي….طيب يا جدعان بما ان مفيش فايده انا بعلن انضمامي لفريق البنات
سلامه….بضحك ارجع ياواطي بدل ما اقلب عليك انت كمان
الشباب كانوا ميتين من الضحك حرفيا و حتي الكبار كلهم قلبهم وجعهم من الضحك
عشري…..بضحك خد يلاااااا هنا
ايه….ملكوش دعوه تعالي يا مصطفي ده فريق خسران
قرب فضل مسكوا من قفاه
فضل….بضحك يا نعيش عيشه فل يا نموت احنا الكل مكانك يا واطي و بعدين بتتشرط علي ايه انت مجاوبتش ولا مره
مصطفي….بضحك هو انا لاااااحق ليله اسرع من شات چي بي تي
فضلوا كلهم يضحكوا علي مصطفي
فضل…..وانت يا عم ساكت ليه ما تقول اي اغنيه
نادر….بضحك انتوا مش عارفين تكسبوا هتتجننوا علينا
وليد…..الله يخربيت عقلكم والله مش قادر من الضحك كله منك يا ميدو
عسال…..بضحك طيب انا مالي ما انا معاكم
سلامه….وهو مكتف مصطفي تحت دراعه بص لريهام هيسيبك يابت انا هخليه يسيبك
ريهام….بضحك يلا يا خسراااان
مصطفي…..ياعم يسيبني اروح لليله
ليله….بضحك هقسم معاك الهديه يا صاصا عشان دول رخمين
مصطفي….قلبي انتي
عشري….بضحك ياض هرميك في البحر اتلم
كملوا لعب و الشباب جابوهم تاني بسرعه سلامه بقي عمال يجري عليهم و يمسك الرمل و يرخم عليهم و هما ميتين من الضحك مش عارفين يجاوبوا منه لحد ما بقي الفرق بينهم نقطه
الدي چي…بضحك طيب بصوا بقي يا شباب اللي جايه دي اخر اغنيه يا تكسبوا و تتعادلوا مع البنات و يبقي في اغنيه كمان فاصله او البنات تبقي اسرع و يجاوبوا و يبقوا هنا الكسبانين
