لقاء كارثي

سليمان….علي فكره ليله معاها حق فكره بجد حلوه من فتره انا كنت في مشوار شغل و قابلت شاب قد عدي وسليم كده مكانش بيتكلم و غالبا كان بيسأل علي مكان عايزين اوصفه مكنتش فاهمه هو كان معاه ورقه مكتوب فيها اسم المكان بس معرفتش اشرحلوا بقيت حاسس اني مضايق و علي فكره هما لما بيحسوا ان محدش فاهمهم بيبقوا متعصبين

ليله……غصب عنهم الناس دي او اي حد عنده تعب من النوع ده بيبقي متعصب لانه مش عارف يفهمك ولا عارف يفهمك فا اغلبهم بيكونوا عصبيين جدا

مصطفي….حلو ده اوي ياريت والله طيب انت يا سلامه

ايه….هيلغي التعليم خالص

سلامه….بضحك لا والله بس هخليها فتره واحده و بعد الضهر اصلا انا زي مروچ كده مكنتش بحب اصحي بدري وحتي لما كبرت شويه بقيت اضطر انزل بدري اوصل اخواتي

شيرين….واضح ان مش مروچ لوحدها

سلامه….بضحك لا احنا كتير

مصطفي…..طيب سلمي هتعملي ايه؟

سلمي…..لا حجات كتير اوي اول حاجه هخلي مفيش امتحانات فتره ابتدائي كلها يبقي في بس كل اسبوع زي تقييم بسيط يتدربوا فيه اول باول علي كشل الامتحان بس الفتره دي هتبقي اهم فتره في حياتهم تخليهم يحبوا التعليم يعني يدرسوا فيها كل حاجه و اهتم بالمواد اللي فيها فن وابداع زي الرسم الموسيقي الطبخ التركيبات الزراعه الهاند ميد الاختراعات اعاده التدوير و كمان الرياضه حجات كتير تساعدهم ان عقلهم يكون ديما صاحي لان الطفل في السن ده علي قد ما بيبقي زكي و يقدر يستوعب ويحفظ علي قد ما بيبقي ضغط عليه وعلي عقله انه يتحمل كل حفظ وفهم المواد دي فالبتالي بيكره الدراسه و التعليم بيكرهه الصحيان بدري يعني باختصار هخلي طول الاسبوع كل يوم مادتين و الباقي المواد اللي قولت عليها لما يجي يطلع اعدادي هيبقي اختار او حب حاجه و ابدع فيها اللي بيرسم اللي بيلعب موسيقي المخترع اللي شاطر في الهاند ميد و هزود طبعا عليه المواد لانه هيبقي العقل عنده قادر يستقبل معلومات اكتر و كمان هشجع الشاطر فيهم فالفنون اللي اختارها يعني هعمل كل شهر زي معرض او بازار يعرضوا حاجتهم فيها عشان يتحمس اكتر لما يلاقي شغل ايده بيتباع

مصطفي…..انتي شكلك كنتي دحيحه

سلمي ….بصراحه اه بس انا مقدره ان موضوع المذاكره ممل و كنت بحس اني محتاجه حاجه تفصلني

مصطفي…..طيب انت يا عمر