لقاء كارثي
لقاء كارثي
سلامه…ايه ياعم الجامد
عسال….بضحك هما اللي بيعرفوا بسرعه
علي….وسعوا كده انا هجيب الجايه
سلامه…. تعالي يا كبير تعالي انت قديم و هتعرف
علي….بضحك ما تحترم نفسك ايه كبير دي
ضحكوا الشباب عليه و فضلوا يبصوا للبنات بغيظ و يستحلفولهم
شغل الشاب تاني اغنيه
ركزوا ثواني
ايمي و علي و رشيد قالوها مع بعض بس هما كانوا اسرع من ايمي
مدحت صاااالح المليونيراتتت
الدي چي….بضحك الشباب الاول
ايمي….لا بلاش نصب قولتها قبلهم
رشيد….بس يا اوووووزعه
علي….بضحك هتنام بره لما نرجع
رشيد….بضحك متقدرش والله احنا
ايمي…..متحللللفش
ليله….بضحك خلاص مش مهم هما واخد احنا اتنين يفرجوني بقي هياخدوها تاني ازاي
عشري….بضحك اهي فاقتلكم
فضلوا يضحكوا ويرقصوا علي الاغنيه
نعيمه وريهام و امنيه فضلوا يزغرطوا الاجواء كانت تجنن وكلها بهجه وضحك وحماس وتحدي
شغل الاغنيه التانيه
نعيمه…..ااااا روق روق
البنات…..اووووووووووه تلاته
روق روق صحصح لينا ده اليوم ده بتاعنا لوحدينا هنقضيها بالطول والعرض زي ما اتوبيسنا يودينا
احنا ملوك كل الرحلات واحنا بتوع جو البلاچات يا سلام سلم علي رحلتنا بس يا رب نروح بيتنا
حط مصطفي ايده علي كتف ميدو.
قشطة يا ميدو أنا كدا مبسوط
رحلة بأتوبيس خرج بيوت
هو دا اتوبيس ولا كارتة سواق متفرتك ميت حته
شغل تاني اغنيه..
عسال….بسرعه محمد فؤاد و بحب
بصولوا البنات بغيظ و فضلوا يضحكوا وبعدين رقصوا مع الاغنيه
البنات واقفين حاطين ايدهم في وسطهم والشباب عمالين يغنوا ويرقصوا ويغيظوهم
شغل الاغنيه التانيه
ركزوا شويه
ليله…..محمد محي وشيرين بحبك
عشري….بابتسامه وانا بموت فيكي
ضحكوا كلهم و ضربوا عشري و فضلوا البنات يغنوا ويرقصوا ويغيظوهم
عسال غني اول جزء و هو باصص لنادين..
انت نصيبي حبيبي وبس ولا ايام بعدك تتحس اكتر منك مره ونص بحباااااك
ضحكت نادين و هي مكسوفه
بصت ليله لعشري و غنت وهي بترقص بدلع
وانت حبيب العين والقلب انت العالم وانت الحب تبقي في شرق هابقي في غرب بحباااااااااك
الاجواء كانت تجنن و البنات والشباب عمالين يغنوا لبعض الشباب ترقص بشقاوه و البنات بدلع
شغل بتاع الدي جي الاغنيه اللي بعد كده البنات كانوا اربعه والشباب اتنين.
شغل اغنيه و فضلوا الفريقين يضحكوا مكانوش عارفين بدايتها و مركزين و شويه شويه الشباب عايزين يكتموا بوء البنات قبل ما يعرفوا وبعد تركيز ثواني في جزء معين.
