لقاء كارثي

انا امي دعيالي والله العظيم كنت واثق ان ابمي هي دي الست الي بدور عليها بس بعد الجواز الثقه بقت مليون كل حاجه فيها تجنن ايمي تبان قويه جدا وهي فعلا قويه وست يعتمد عليها و تبقي متطمن و هي جنبك بس هي من جواها بجد بيبي اوي نقيه جدا بتحب اللي خواليها بشكل مش طبيعي عندها طاقه حب تكفي و تفيض و للامانه مش هي بس العيله دي عيله انا مشوفتش زيها في حياتي و ده بجد

حماده وزوزو مش مجرد حمايا وحماتي انا والله عمري ما اعتبرتهم كده الناس دي جميله بشكل تستغربه البيت بتاعهم في طاقه حب غير مبرره تجذب اي حد ليه امنيه اختي الصغيره جميله وطيبه و علي طول بتضحك عمرو جوزها بجد انا مبسوط اني اتعرفت عليه حد جدع محترم صاحب اخ

عمر….يا حبيبي انت اللي شرف والله لتي حد يتعرف عليه ومش مجامله ولا بردهالك بس بجد انا مفيش عندي في الدنيا اغلي من حسن اخويا و طبعا كان بعده حودا هو صاحبي الوحيد بس انت غلاوتك نفس غلاوتهم وانا كسبت راجل جدع واخ بجد و صاحب

رشيد…ياحبيب قلبي الله يسعدك و طبعا حودا شهادتي فيه مجروحه بحبه بجد اخويا الصغير واوقات الكبير و اوقات الصاحب الجدع و الدم الخفيف بقي

حودا…..والله انت اللي حبيبي

رشيد….فا البيت ده والعيله دي هما دعوه لامي استجابت في وقت بسيط ايمي ايجابيتها اكتر من سلبياتها لدرجه ان مفيش سلبيات بتواجهني معاها خالص الحمد لله

هي خارجه من بيت بيعرف يحب بجد يعرف الاصول عارفه يعني ايه ست تتعامل مع جوزها يمكن انا نفسي كار اجل بشوف ان معامله الست مع الزوج مش ثابته لان كل واحد ليه حياتي بس من رايي الشخصي اني بشوف ان معامله ايمي معايا هي المعامله الصح بين الست والراجل

البنات كانوا مبتسمين و ليله باصه لايمي بحب وشيفاها وهي متاثره بكلام رشيد

رشيد…..وفوق كل ده بقي بسبب ايمي انا هبقي اب لاول مره في حياتي و دي حاجه كبيره و حلمت بيها كتير و ايمي جات حققتها

ابتسمت ابمي و في وسط كل الناس ضمتوا بحب كلهم ضحكوا و سقفوا وصفروا

ايمي…..بتاثر بحبك

رشيد…بهمس وانا بموت فيكي طبطب علي ضهرها بحب

امينه….الله اكبر الله اكبر سموا كبروا يا جماعه ربنا يسعدكم يا حبيبي و يقوملك حبيبتك بالسلامه هي وولادك و يحفظكم بحفظه و يبعد عنكم الشر والعين

عزه….بابتسامه يارب يا ست امينه