لقاء كارثي

لقاء كارثي
أميره أسامه
صاحبة البطل الواحد

. البارت المئه 132.

………………………..

قام تامر بهدوء خبط علي سلمي كانت صاحيه بتظبط مواعيد شغل و كانت اجازه ..

سلمي….ادخل

فتح بهدوء و كلمها بهمس

تامر….سلمي بقولك ايه تعالي شوفي نغم

سلمي…مالها نغم و مالك موطي صوتك ليه

تامر….عشان متسمعنيش بتعيط في البلكونه شكلها بتكلم بباها

قامت سلمي بهدوء و خرجت معاه و قفت شويه و كانت سامعه صوتها

سلمي…شكلوا بباها اه

تامر…..تفتكري مش مصدقها

سلمي….حتي لو مش مصدقها لو بعتتلوا اللي معاها اكيد هيصدقها

تامر….انتي شوفتي صحيح الڤديوهات اللي قالت عليها و التسجيلات

سلمي….لا مشوفتش ولا طلبت اشوف بصراحه و حتي قولت لأيه متطلبش منها كده يعني الموضوع محرج هي حابه تقول حاجه او تفرجنا اوك مش حابه هتبقي قلة ذوق بصراحه في النهايه دي فضايح مش حاجه بسيطه

تامر…..انا فاهمك بس لو طلبنا نشوف مش ده يبقي حقنا علي الاقل عشان نطمن اكتر

سلمي…..تامر احنا قررنا اننا نقف معاها ونساعدها و نعمل خير و بيتهيألي مش دي الحاجه اللي هتثبت هي صح او لا و فات الوقت كمان اننا نتراجع في النهايه اكيد هنعرف

تامر….معاكي حق

سلمي….اوعي يا تامر تكون بصيت علي موبايلها من غير ما هي تعرف

تامر…..ورحمه ماما محصلش و بعدين بقولك بحسس علي الموبايل ده فصل مننا الف مره انا بس عايز اعرف هي نقلت الحاجه و لا خدت رقم بباها بس لان لو الموبايل فصل والله ولا هيشتغل حتي بالطبل البلدي ده قالي يفضل علي الشاحن طول ما هي فتحاه عشان ميفصلش خالص

سلمي….بيتهيألي نقلتهم هي دخلت الاوضه و فضلت مع نفسها كتير ماسكه الموبايلين

تامر…..هي ايه نامت

سلمي….شكلها كده ملهاش صوت
ركزوا مع صوت نغم.

نغم…..بدموع يعني ايه يا بابا يعني حق انغام هيروح كده مش هتقف معايا مش هنرجع حقها

والدها…..يابنتي انا قولتلك انا مقدرش علي خالتك واللي معاها انتي عارفه خالتك اكتر مني لا بتخاف من حد و لا بتعمل حساب حد و لا بتتكسف من اي حاجه وشها مكشوف من الاخر ولو فاكره ان اللي معاكي ده ممكن يخوفها تبقي غلطانه هتعرف تطلع منه بأي طريقه عشان كده بقولك انسي اللي انتي عايزه تعمليه ده و ارجعيلها و انا كل اللي اقدر اعملوا عشانك هجيلك و هاخدك و هوديكي ليها لحد عندها بنفسي و هخليكي تستسمحيها عشان تنسي اللي عملتيه و متأذكيش