لقاء كارثي
لقاء كارثي
نعيمه….بابتسامه بجد
نادين….اه والله انا مبسوطه اوي حتي هي و رشيد معرفوش
نعيمه….المهم انهم بخير
نادين….اه الحمد لله ايه رأيك تقترحي عليا افكار جديده و برن الصندوق نعمل بيها الحفله
نعيمه….بابتسامه بسيطه انا مش عارفه والله يا نادين انتي عارفه انا مليش في الافكار خالص ممكن ايه تساعدك او شوفي ميدو ممكن يقترح عليكي و كمان محمود اخو ايمي ليه صحابه و هو اللي عمل الحنه بتاعتها و عملك انتي كمان التجهيزات و جاب لتامر صحابه وقت الخطوبه بتاعت ايه وسلمي
نادين….تصدقي صح حودا اللي هيساعدني احنا ممكن نفكر مع بعض و هو ينفذ بس احنا مش هنعملها غير لما ليله وعشري يرجعوا
نعيمه…..اكيد ان شاء الله
نادين…..طب قوليلي حاسه انك احسن شويه
نعبمه….اه كتير بس فضل عايزني انزل معاه علي الساعه ثمانيه وانا مش قادره
نادين….طب ليه انزلي عادي و غيري جو احسن عشان لو فضلتي قاعده هتركزي في التعب و هتتعبي اكتر روحي معاه متزعليهوش و انا هخلص كام مشوار و علي ما ترجعي هكون جيت قبلك كمان و هجيب عشاء معايا نتعشي انا وانتي سوا ماشي
نعيمه….بابتسامه ماشي يا نودي قومي طيب خلصي اللي وراكي وانا كويسه والله
نادين…..طيب ممكن لما اتصل عليكي تطمنيني
نعيمه ….حاضر والله انا هقوم انام ساعه كده و بعدين ابقي اصحي اجهز قبل ما فضل يجي
نادين….طيب انتي قبل ما تنزلي ممكن تاخدي الجلسه مش هتفرق من ساعه هتعرفي تشغلي الجهاز و تحطي الدواء
نعيمه….اه هعرف متقلقيش
نادين…..لو معرفتيش اتصلي بيا و اقولك اوك
نعيمه….حاضر
نادين…..يلا ياروحي خدي بالك من نفسك و لو احتاجتي اي حاجه كلمبني اجيبها
نعيمه….تمام يا نودي علي مهلك
نادين…..باي يا نوني
نعيمه….باي خدي المفتاح اوعي تنسيه
نادين….حاضر هاخده سلام
نعيمه…..سلام
………………
علي الساعه ثمانيه وصل فضل و نزلت نعيمه قربت من العربيه وركبت
سلمت عليه و اتحرك فضل وراحوا قعدوا في مكان.
فضل….تشربي ايه
بصتلوا وهي معندهاش شغف لاي حاجه بس قالت نسكافيه عشان ميفضلش يقولها
نعيمه….نسكافيه
بص فضل للويتر
فضل….طيب نسكافيه وقهوه مظبوط
الويتر…..حاجه تاني
فضل…..شكراً
الويتر….بعد اذنكم
هز فضل راسه و بص حواليه و بعدين بصلها بهدوء كانت باصه جنبها و ساكته
