لقاء كارثي

نعيمه…..بدموع يمكن بس اوقات بقول لنفسي انا لو مكان الاشخاص دي و الغلط بيتكرر مش هسامح و انا الفتره اللي فاتت زعلت ناس كتير مني و عارفه اني جيت عليهم اكتر من مره و حتي لو سامحوني يا فضل و قبلوا اعتذاري هيفضلوا جواهم كسر بسيط مني زي اللي جواك من ابوك انت قولت بتحبه و هو. طيب وحنين و صاحبك بس الشرخ اللي حصل بسبب الموقف ده اثر عليك و ده بالظبط اللي هيحصل معاهم

فضل…..حتي لو مش مهم المهم انك تعملي اللي عليكي و تصلحي و الوقت بينسي

نعيمه….لا يا فضل الوقت مش بينسي جايز بيخفف بيقلل لكن ينسي مستحيل كملت بدموع فضل انا حاسه اني مش كويسه اوقات بحس ان عقلي تعبان نفسيا متوتره مش قادره احدد انا عايزه ايه يعني انا بحبك يا فضل و مشوفتش منك اي حاجه وحشه بس في نفس الوقت بقالي فتره حاسه انه لا انا حبي ليك حب عادي زي ما انت قولتلي حاسس ببرود واني بعيده عنك انا وصلتلك الاحساس ده من غير قصد بس ده حقيقي مشاعري مش ثابته مش بس معاك انت والله العظيم حتي مع اهلي صحابي

شويه احس اني مستعده اقلب عشانهم الدنا و مخليش حد يمس حد بحبه و اوقات لما بحس ان ي خايفه عليهم ببوظ الدنيا و بوصل ده بطريقه غلط زي ما عملت مع سلمي وايه حتي نسمه انا زعلتها اوي و مهما حاولت اصلح ده هتفضل شايله مني فضل انا مش كويسه صدقني و تبعانه و نفسياً زي الزفت مش عيزاك تزعل مني او تفهم كلامي غلط انا والله بحبك وبحبك اوي بس جوايا حاجه مش قادره افهمها جايز مسيطره عليا من فتره طويله بس مكانتش مسيطره بالشكل ده

فضل…..طيب اهدي و بطلي عياط انا جايز برضوا مش فاهم فيكي ايه بس انتي محتاجه تتكلمي تخرجي اللي جواكي ترتاحي تهدي نعيمه جايز كل ده بسبب التراكمات زي ما قولنا المشاكل جايز كمان فكره اننا قربنا نتجوز موتراكي جايز برضوا فكره ان ليله اتجوزت وسابتك و انتي محتجاها معاكي في جوازك وفي نفس الوقت هي محتجاكي كلكم بشكل عام تقريبا بتتجوزوا وراء بعض انتي محتجاهم و هنا محتاجينك و ده سبب ضغط عليكي

انا مش زعلان منك والله العظيم و عارف انك مش تمام بس احنا ممكن نشوف دكتور او دكتوره نفسيه تتكلمي معاها طبعا ده مش عيب ولا بقول انك مريضه نفسيا بس اوقات اي بني ادم فينا من كتر الضغط و التفكير في القديم والجديد وخوفه من حجات لسه محصلتش بتخي العقل يتلغبط و يدخل كله في بعضه و يحصل صراع غريب جواكي الدكتور هيساعدك تتكلمي كتير لان الكلام عموما لما بيخرج بيريح