لقاء كارثي
لقاء كارثي
ريهام….طيب سؤال بقي بتثقي فيا
ايمي…..بابتسامه طبعاً هتعملي ايه
ريهام….لا معلش بقي مبطلعش اسرار الشغل لحد سيبيها عليا هبهرك
ايمي….امممم ربنا يستر بس اشطا المكان بتاعك شوفي عايزه تعملي ايه و التيم هيساعدك بس لو في حاجه محتجاها مني انا موجوده عرفيني يمكن اديكي رأيي
ريهام….بضحك لا معلش رأيك ده خليه للكتاكيت القمر اللي في بطنك و ركزي معاهم الله يباركلك و اليوم ده خليه عليا انا هبهرك
ايمي…..حلو الحماس و انا مستنيه تبهريني
ريهام….يعني معايا الصلاحيه مش كده
ايمي…..كل الصلاحيات يا مصيبه
ريهام….بضحك اشطا انتظري احلي عيد ميلاد
ايمي…..اما نشوف
ريهام…..يلا سلام
ايمي….باي يا قلبي
قفلت ريهام معاها و جابت ورقه و قلم و بدأت تكتب حجات و تبتسم و متحمسه جدا للفكره المجنونه اللي جاتلها مسكت الموبايل و اتصلت علي محمود من غير اي تردد
محمود…..بصوت نايم الووو
ريهام…..انت نايم
محمود….اه نايم شويه جاي الصبح في حاجه ولا ايه
ريهام….اه في
محمود…..مالك في ايه
ريهام…..لا انا كويسه بس يعني محتجالك في خدمه
محمود….طب قولي انا سامعك
ريهام….سامعني ايه وانت نايم كده هقفل هتنسي و تفكر نفسك بتحلم انت تفوق من الغيبوبه دي و لما تصحي عدي عليا
محمود….بضحك اعتبريني فوقت من الغيبوبه يا ستي
ريهام….لا ما انا عيزاك وش لوش كده عشان في مصيبه ناويه اعملها و انت هتشترك معايا فيها
محمود….بضحك استر يارب طيب اسمعي انام ساعتين كده واجيلك
ريهام…..تصدق بالله انا لو حد كلمني مكالمه زي اللي بكلمهالك دي النوم هيروح خالص من كتر الفضول امشي يا محمود نام وابقي تعالي
محمود….بضحك والله في فضول بس هموت وانام
ريهام….بابتسامه طيب خلاص نام بس لو طولت هزعلك مفيش وقت
محمود….اممم شكلها مضيبه بجد يا مصيبه
ريهام….بضحك هبهرك
محمود…..ربنا يستر خلتص شويه و اعدي عليكب
ريهام….اتفقنا يلا روح نام
محمود….باي يا مصيبه
ريهام….بضحك باي
………………
علي الساعه خمسه قلقت ليله بصت علي الساعه بصدمه نايمين من تسعه علي اساس يناموا ساعتين توقعت ان اخواتها واصحابها زمانهم قلقانين اتنفضت بسرعه و بصت لعشري
ليله…..عشري عشري انت نهارك مهبب
فتح عشري وبصلها
عشري….في ايه يابنت المجانين
