لقاء كارثي

فضل…..اخبارك ايه انهارده شكلك تعبان ليه كده

نعيمه….لا انا الحمد لله بخير

فضل….يارب ديماً اطمنتي علي ليله؟

نعيمه…بابتسامه بسيطه اه كلمتني هي و عشري امبارح بس كنت قلقانه عشان اتأخروا اوي

فضل…..اه عشري قالي انهم روحوا ناموا وراحت عليهم نومه مكانوش جابو خط

نعيمه…اممم بس الحمد لله انهم بخير

فضل…..الحمد لله

طلع علبه السجاير و مدلها أيده بالعلبه و هو رافع سيجاره منهم

بصت نعيمه علي العلبه ثواني و فضلت ساكته و بعدين رفعت عينها بهدوء ليه و منطقتش

فضل….بأبتسامه بسيطه و هو باين عليه الغضب في نفس الوقت ايه مش بتشربي ؟ ولا النوع مختلف عن دي عرفيني نوعك المفضل و اروح اجيبلك لو مش معاكي

بصت جنبها ثواني و رجعت بصتلوا بهدوء.

نعيمه….انا مبشربش يا فضل و انت عارف كويس اني لا بحبها ولا بحب ريحتها

فضل…..بجد امممم امال اللي كان في البيت ده ايه يا نعيمه؟

نعيمه…..بصتلوا بهدوء ثواني طيب بص يا فضل انا اه شربت بس انا لا بحبها ولا بقدر عليها و طول عمري كنت بهرب من اي قاعده فيها سجاير بابا بيشرب كنت بسيب المكان بسبب الريحه و نادر بيشرب حتي ليله اقدر اتحمل سيجاره لكن كتير بسيبها و بقوم و عمري ما فكرت اني اشرب معاها هي وايمي حتي لما جربتها معاك واحنا مسافرين و خدت نفس انت شوفت انا فضلت اكح قد ايه

فضل….وايه اللي اتغير حبتيها فجأه

نعيمه…..لا كنت مخنوقه و مضايقه و حسيت اني عايزه اطلع خنقتي في اي حاجه بس تعبت منها و كسرتها ورميتها يعني متقلقش لا هشربها تاني ولا عمري هحبها كانت غلطه مش اكتر

فضل……تمام كويس اوي انك معترفه انها كانت غلطه و علي فكره يعني تبقي غلطانه لو فاكره ان التدخين ده بيخرج الواحد من خنقته او غضبه او اكتئابه مكانش حد غلب و الدنيا كلها كانت هتدخن

اغلب اللي عندهم مشاكل اصلا بيدخنوا يعني التدخين مش حل كل الحكايه اننا بنقع نفسنا ان السيجاره بتطلعنا من الحاله دي مع ان العكس هي بتزود الاكتىاب اكتر بتشربي اكتر فا بتتحبي فا خنقتك بتزيد التدخين ده لعنه انا عن نفسي اتمني اقدر ابطلوا هو يمكن مش ادمان بالمعني الحرفي بس هو ادمان لعادة سيئه فا انا مش هعاتبك علي موضوع السجاير و هعتبر انه كان لحظه ضعف في وقت خنقه بس صدقيني التدخين عمره ما كان حل