لقاء كارثي

نادين بتسأل عليها بالتليفون و طبعاً هي و ايه وسلمي مفيش كلام بينهم خالص..

علي الساعه خمسه اتصلت نادين عليها تطمن ردت نعيمه و هي بتكح جامد

نادين….الووو

فضلت نعيمه تكح كحه صوتها صعب

نادين….الووو نعيمه انتي كويسه

نعيمه…ااا اه اه الحمد لله

نادين….ايه الكحه دي مالك

نعيمه…..معرفش من الصبح صدري تاعبني اوي بس باخد دواء و بشري يانسون

نادين…..ايوه بس كحتك صعبه اوي يا نعيمه

نعيمه…..اه شويه المهم انتي اخبارك ايه

نادين….انا تمام بس انتي اللي مش تمام بقولك ايه انا جنب البيت هطلعلك ماشي

نعيمه….خليكي انا كويسه والله

نادين…..لا مش كويسه يا نعيمه كحتك وحشه جدا خليني اطلعلك اطمن عليكي

نعيمه….وهي بتكح طيب يلا اطلعي
ققلت وهي عماله تكح صدرها كان متدمر

مفيش دقايق و لقت الباب بيتفتح وهي كانت عماله تكح جامد

قفلت نادين وقربت منها

نادين….ايه ده ايه ياقلبي مالك بس

نعيمه….تعبانه اوي صدري بايظ

نادين….ماهو من القرف اللي بتشربيه انتي مالك انتي ومال السجاير يا نعيمه بجد عاجبك الوقت منظرك و انتي عامله كده

نعيمه…..رمتها و كسرتها خلاص والله ممكن بس تعمليلي حاجه دافيه اشربها

نادين….حاجه دافيه ايه انتي هتقومي معايا الوقت نروح المستشفي

نعيمه….لا مستشفي ايه انا مش قادره اصلا هاخد الدواء وهبقي كويسه

نادين….مش هتبقي كويسه يا نعيمه انتي صدرك ده محتاج جلسه اكسچين او بخار قومي من فضلك معايا و متعصبنيش

نعيمه….دي بالله عليكي مش عابزه انزل والله ولا عايزه حد يعرف اني تعبانه اصلا

نادين….ياستي مش هعرف حد بس يلا قومي بجد متعصبنيش انا اصلا متعصبه منك لوحدي بسبب القرف اللي بقيتي تشرييها دي يلا قومي

نعيمه…طيب هاتيلي جاكت هلبسه علي الترنج مش قادره البس

نادين…..ماشي

دخلت نادين جابتلها چاكت لبست نعيمه و خدتها علي تحت ركبوا العربيه كانت عماله تكح

شدتلها نادين كذا منديل

نادين…..امسكي امسكي والله العظيم انتي بتهرجي حرام عليكي صدرك ده

سندت نعيمه صدرها و هي مش قادره..

نادين…..نعيمه بالله عليكي متشربيش القرف ده تاني

نعيمه….والله العظيم كسرتها و رمتها مش هشرب تاني

نادين….طيب امسكي اشربي مايه

وصلوا المستشفي و دخلت بيها علي الاستقبال كشفوا عليها و بعدين دخلوها تاخد جلسه وقفت نادين جنبها تمشي ايدها علي شعرها