لقاء كارثي

ايمي….اوك يا قلبي يلا خدي بالك من نفسك

نادين….وانتي كمان ولو احتاجتي اي حاجه كلميني

ايمي….ماشي يا قلبي يلا باي

نادين….باي

…………….

عند ريهام في المطعم كانت تحت بتشوف الشغل و راحت علي المطبخ

عشان الشيف كان عايزها تدوق صنف جديد نزلت وهي متحمسه اوي.

ريهام….ايه يا شيف خلصت

الشيف….اه اديني بس كام دقيقه و هتدوقي الطبق بس عايز رأيك بصراحه لان الطبق ده مهم جدا

ريهام….اشمعني

الشيف….عشان ده اللي هيتقدم يوم الخميس

ريهام…..اشمعني برضوا يوم الخميس

الشيف….بابتسامه هو انتي متعرفيش ان يوم الخميس عيد ميلاد المطعم دي تاني سنه ليه

ريهام…..ايه ده بجد لا مكنتش اعرف

الشيف…..لا الخميس ان شاء الله و هنعمل طبق اسبيشيال كده عشان نحتفل مع الزباين

ريهام….طيب وعاملين يعني احتفال كبير وكدن ولا ايه

الشيف….لا هو بس الطبق الجديد وبنعمل خصومات عروض علي الاطباق بنزل مشروب هديه بره المنيو

ابتسمت ريهام و سرحت

ريهام….اممم حلو بس خلينا نظبطها اكتر

الشيف…..مش فاهم

ريهام…..اممم خليني افكر كده في حاجه و هبقي ابلغكم بيها لو ظبطت يعني

الشيف….ماشي

بعد وقت بسيط طلعت ريهام فوق علي المكتب و اتصلت علي ايمي.

ايمي…..اهلا بالمديره

ريهام…..مديره ايه بقي انا طلعت مديرة في البطاطا

ايمي….بضحك ليه بس

ريهام…..هو ليه معرفتنيش ان عيد ميلاد المطعم يوم الخميس

ايمي…..ايه ده هو الخميس

ريهام…..يا صباح الدماغ العاليه انتي ناسيه

ايمي….احيييه تصدقي اه والله ما فكره يا ريهام عشان مش مركزه بصراحه مع المطعم

ريهام…..قال وانا اللي متصله اتخانق معاكي عشان معرفش المعلومه دي

ايمي…..بضحك والله جواز ليله مع انشغال الكام يوم دول مع شويه لعبكه كده مش مركزه

ريهام…..الله يكون في عونك يارب طب ايه هتعدي كده

ايمي….امال تعدي ازاي عادي يعني بيبقي يوم زي اي يوم بس بنعمل فيه حجات بسيطه

ريهام…..هو انك تعملي طبق جديد و شويه خصومات مع مشروب فيري ده اخركم في الاحتفال بيوم مهم زي ده

ايمي….بضحك نجيب رقاصه طيب

ريهام……بضحك اديني في الرقص

ايمي…..ايه عايزه ايه طيب انا مش فاهمه هو بصراحه السنه اللي فاتت عملنا كده عملنا صنفين حلو وحادق جداد و عملنا خصومات و خصومات خاصه بالصحاب و مشاريب بس