لقاء كارثي

ليله….ده انا هورسك الجنان اللي علي حق لو مصحتش الوقت الساعه خمسه

عشري…..خمسه ايه ؟

ليله…..خمسه ايه خمسن وخميسه عليك يا اخويا قوم بدل ما اطين عيشتك هو ده اللي ساعتين يا متشرد

عشري….ضحك غصب عنه و شدها نيمها جنبه تاني انتي بتقلب ادبك

ليله….وسع كده انت لسه بتنيمني ياللي معندكش دم قوم زمانهم قالبين علينا الدنيا

رجعها تاني

عشري…..هنطمنهم اكيد عارفين اننا نايمين

ليله…..وسسسسسع كده يخربيت البرود بقولك الساعه خمسه

عشري…..بت انا مش قادر بطلي ازعاج

ليله…..انت كمان ليك عين تتكلم هما دول اللي ساعتين يا عشري

عشري….لا يا شيخه علي اساس اني نمت لوحدي ما انتي نمتي معايا و بعدين مش ظبطي المنبه

ليله…..اه بس مرنش او رن وانت قفلتوا عشان تنام زي القتيل انت هتقوم بالذوق ولا اقومك بالعافيه

عشري…..ضربها بالقلم بهزار يابت فيكي ايه انا جايب معايا بنت اختي

ليله….ااااه انت قد القلم ده يا متشرد

عشري…اه واللي عندك اعمليه يلا بقي ومش قايم

ليله….رفعت حاجبها اشطااااا انت اللي قولت

بص عليها وهي قايمه و ضحك ورجع نام تاني

راحت جابت كوبايه مايه و رجعت وقفت جنبه

ليله…..هتقوم بالذوق ولا لا

عشري……انتي عارفه لو المايه دي امشتني هعمل فيكي ايه

ليله….بضحك ايه؟

عشري….بضحك بابت متبقيش مستفزه هو ايه اللي كا ما اهددك تسألي ايه مفيش حاجه في دماغي بس هنفخك

ليله….طب اتكلم علي قدك بقي عشان مبخافش غرقتوا و جريت

عشري…..يابنت الجزمه والله ما هسيبك

رمي الغطاء وجري وراها وهي بتضحك و جريت علي البلكونه

ليله….لو قربت هرمي نفسي

عشري….مسكها من قفاها ده انا اللي هرميكي

ليله….بضحك انت بتشتم امي يا ابن امونه ده انت يومك اسود

عشري……ينفع كده انتي بتغرقيني يابت

ليله….بضحك شكلك عامل زي الكتكوت المبلول

عشري……بابتسامه انتي بتتريقي كمان ده هنفخك

ليله……..ولاااااااا

عشري….بضحك ولااااا ده انتي يومك ازرق

ليله…..بضحك طب سيب هدومي مالك عامل زي اللي قافش حرامي كده ليه

عشري……اعتذري بدل ما احدف من هنا علي البسفور اللي عاجبك ده

ليله…..لا وانت جامد وهتعرف اعتذر انت الاول انا امي جزمه

عشري….بضحك لا حماتي قمر انا بشتمك انتي

ليله….بضحك ما انا بنتها وانت قولت يا بنت الجزمه يعني امي