لقاء كارثي

نغم….بدموع انا مش مصدقه اللي انت بتقولوا بجد انت كمان عايزين اروحلها و اراضيها عشان متأذنيش هو ده كل اللي في ايدك

والدها….يابنتي افهميني انا مش قد خالتك و مليش في مشاكلها و لا عايز مشاكل اصلا و اختك الله يرحمها حتي لو حقها رجع هي مش هتحس بيه اصلا مش هنستفاد حاجه غير انك تعاديهم و في الاخر انتي اللي هتخسري مش هي

نغم….يا بابا بقولك روحهم في ايدي لو صحيح هي مش خايفه زي ما بتقول مكنتش خلتهم يجروا رايا مكنتش حبستني اربع شهور و بعدين انت محستش خالص طول الاريع شهور دول اني في مصيبه اختفائي ده محسسكش بحاجه اني في خطر مثلا مسألتش ليه مختفيه مجربتش تتصل بيا خالص و حتي لو مجربتش انت عارف ان انا كنت بكلمك لما اتأخرت عليك ده ملفتش نظرك لحاجه

والدها….لا يا نغم كلمتك مره وهي اللي ردت عليا و قالتلي انك ناسيه موبايلك وفي الشغل و هي هتبقي تكلمك و ملفتش نظري لان عارف انك مع خالتك اسمعي كلامي يا نغم خليني حتي اجيلك و اعرف انتي فين و متقلقيش انا هحل بينكم سوء التفاهم ده

نغم….بدموع انت بتسمي المصايب الي انا فيها دي كلها سوء تفاهم لا يا بابا انا لا عيزاك تييج ولا هعرفك مكاني ولا عايزه منك حاجه اصلا و حقي وحق اختي انا هعرف اجيبه كويس ولو معرفتش انا واثقه ان ربنا هيجيب حقنا بس انا لا عيزاك في حياتي ولا عايزه مريم و لو كلمتك قولها نغم هتوديكي في ستين داهيه.

قفلت وهي بتعيط و عملت بسرعه وضع طيران و فضلت تعيط و كانوا سامعين صوتها

قربت سلمي من البلكونه و تامر وراها من بعيد

سلمي…بهدوء نغم انتي كويسه يا حبيبتي

نغم….بصت وراها و عيطت جامد عايز يجيلي يا سلمي عشان يوديني عندها مش عايز مشاكل عايزني اروح اعتذرلها وهو يتوسطلي عندها عشان ترضي عني و تسامحني ومتأذنيش مفكرش حتي يقولي ابعتي اللي انتي مسكاه عليهم هما الاتنين عشان يتأكد بنفسه كل اللي فارق معاه اني مدخلهوش في مشاكل مع مريم حتي عن ان بيته توهني بكلامه عشان معرفش فين

سلمي….قربت منها ضمتها طيب اهدي متعيطيش

انهارت نغم في حضنها

سلمي….اللي انتي عيزاه هيتعمل و اظن انتي عملتي اللي عليكي معاه متزعليش نفسك خلاص

بعدت وبصتلها

نغم….ازاي يا سلمي ده مفرقش معاه موت انغام بيقولي اختك ماتت خلاص مسألنيش انتي قاعده فين و مع مين و محتاجه حاجه ولا لا كل كلامه عن مريم وانه مش قد مريم اعمل ايه طيب والنبي قوليلي اعمل ايه اروح فين و ابدأ منين و اتصرف ازاي