لقاء كارثي
لقاء كارثي
ايمي….خلاص لو ده قراراها النهائي انا ولله هنتصرف و نشاركك بالجزء بتاعها
نادين….لا يا ايمي مش هينفع
ايمي….بت متتعبيش قلبي هو ايه اللي مش هينفع
نادين…..ايمي انتي عارفه كويس اني مش هعرف هتبقوا معايا شركا اوك غير كده انا مستحيل اشتغل بفلوس مش فلوسي
ايمي….يا ستي احنا راضيين
نادين….وانا مش راضيه المبلغ اللي هتدفعوا بدل نعيمه في البنك هيشتغل معاكم اكتر انما معايا فلوس مركونه و مش شغاله انا اللي مستفاده بيها
ايمي….واحنا واحد يا نادين
نادين…..واحد يا ايمي بس في الشغل كلنا زي بعض و بالله عليكي بلاش تتعبيني في الموضوع ده بالذات بدل ما اصفي كل الشغل اللي عندي و اقفل المشروع خالص
ايمي….طب انا مش هتكلم معاكي الوقت لان بصراحه دماغي مع ليله وعشري وعايزه اطمن عليهم بس لينا كلام تاني و غصب عنك هتسمعي الكلام
نادين…..خلينا بس نشوف نعيمه لما تقعد مع نفسها هتعمل ايه يمكن تغير رأيها و متقلقيش ليله بخير والله هي اكيد بس نايمه
ايمي….ماشي يا قلبي لو كلمتك عرفيني
نادين….حاضر بقولك صحيح هو انتي رايحه انهاردن للدكتوره
ايمي….اه ان شاء الله بليل
نادين….بابتسامه هتعرفي نوع البيبي صح
ايمي….بابتسامه المفروض عايزه نوع معين يا صغنن
نادين….بضحكه جميله اممم يعني المهم يكون فيهم بنوته
ايمي….بضحك وتبقي قمر شبهك ان شاء الله
نادين….لا تبقي شبهك انتي طبعاً ابقي عرفيني هاا هو انتي صحيح مش ناويه تعملي يعني حفله بتاعت جنس المولود وكده
ايمي….اللي هي بيعملوا الوان دي
نادين….اه
ايمي….بضحك طب بذمتك ده وقته يا هبله و العيال مش طايقبن بعض كده
نادين….طب وليه لا مش يمكن ده يغير المود شويه و يخلي البنات يتصالحوا و نرجع تاني الاجواء الحلوه
ايمي…..امممم طيب ودي انا مش هبقي عارفه صح
نادين….لا مش هتبقي عارفه ولا انتي ولا رشيد بتخلي حد يتواصل مع الدكتوره و هي بتبلغوا و هو بقي بيجهز كل التفاصيل بتاعت الحفله من وراكم و هتبقي مفجاه للكل
ايمي…حلو ده بس يعني انا كنت هموت واعرف
نادين….ماهو مش هيفوت وقت طويل يعني ممكن بعدها بكام يوم كده نتجمع مع بعض و نعملها
ايمي…..طيب خليني اشوف كده لحد بليل و هقولك
نادين….ماشي عموما لو كنسلتي الفكره عرفيني هطمن عليكي بليل
