لقاء كارثي

الدكتور…..طيب مبتزعليش منهم خالص

نعيمه…..بابتسامه بالعكس مفيش حد بيزعل من نفسه و دول نفسي و روحي بحبهم اوي و علاقتنا تجنن اعرفهم من سنين

الدكتور….طيب ما تعرفيني عليهم كده مين اول خد تعرفيه و مين اقربهم لقلبك

نعيمه….بابتسامه سرحت و بصت لبعيد كلهم قريبين من قلبي اوي احنا واحد في كل حاجه اعرف سلمي وايه من زمان بابا كان صاحب بباهم يمكن مكانتش علاقتنا قويه مجرد معارف مجرد بنات بحبهم عادي و لما بشوفهم في اي مناسبه او عزومه بنتكلم نهزر معانا ارقام بعض ممكن كل فتره نخرج بس كنت بحبهم وهنا بيحبوني

الدكتور…..هما اخوات

نعيمه…..ولاد خاله بس عايشين مع بعض من زمان ايه متربيه معاهم و يعتبروا اخوات بس ايه بقي اصغر واحده في الشله المجنونه بتاعتنا و الشقيه اللي بتخرج الواحد من همه

سلمي اعقلنا و يمكن اهدي واحده فينا بس طيبه وحنينه و جميله

اما ايمي اكبر حد فينا اختنا الكبيره اللي مينفعش نتجمع من غيرها هي كمان بابا صاحب بباها من زمان بس جايز مكانتش علاقتي بيها زي سلمي وايه لانها اتجوزت بدري و طول عمرها بتشتغل كنت بشوفها شخصيه قويه بتعجبني اوي بحبها بس محصلش بينا الحاجه اللي تخلينا قريبين من بعض لحد ما بقينا صحاب حلوين اوي

اما ليله ونادين هما يعتبروا اخر اتنين اتعرفت عليهم علاقتنا بدأت من قبل الكرونا بفتره كويسه بس كانت علاقه شغل نادين كانت بتشتغل في شركه تسويق و كان البوزيشن بتاعها عالي ليله كمان مكانتش تعرف نادين الا عن طريق الشغل هي كمان كانت بتشتغل في الشركه بس بوزيشن مختلف و اقل عن نادين شويه انا عرفت ليله عن طريق ايمي لان ايمي اللي كانت تعرفها هي واخواتها من زمان كنت بشوفها هي كمان شخصيه قويه و بنت بميت راجل كنت بحبها من بعيد لبعيد و اما كان يصادف اني اشوفها مع ايمي كنا بنقضي وقت حلو كله ضحك وهزار كنت ديما اقول نفسي نبقي صحاب اوي

بعدها هي سافرت الامارات تبع الشركه و نادين كانت بتسافر وبترجع قعدت فتره هناك و نزلت لما بدات الكرونا تنتشر كنا وقتها بنتكلم كلنا و بنطمن علي بعض و في بينا مكالمات ورسايل طول الوقت و في التوقيت ده انا كنت خدت قرار مهم في حياتي اني انفصل عن اهلي و اعيش لوحدي لما جات ليله كانت هي كمان هتعيش لوحدها اخواتها متجوزين و مامتها اتوفت وقررنا نعيش انا وهي مع بعض و فعلا خدنا بيت و صداقتنا كلنا بقت اقوي نادين مسكت شغلنا و بقينا نكبر هي تبان طفله و صعب تتحمل مسؤوليه بس هي بيزنيس وومان ناجحه جدا و بتحب شغلها وبفضلها مكانش حد فينا قدر بعمل حاجه