لقاء كارثي

نعيمه…..بحبه و الله العظيم بحبه بس انا بعمل كده عشانه قبل ما يكون عشاني فضل ميتساهلش مني غير كل خير جايز يتصدم فيا يضايق يكرهني و جايز يتوجع ان بعدي عنه جه بالشكل ده بس غصب عني

الدكتور….طيب ليه متتكلميش معاه بنفسك ليه يعني علي الاقل تودعيه تديلوا حاجته بنفسك تهوني الموقف علي اللقل يبقي عارف انه غصب عنك جايز لما يشوفك في الحاله دي يديكي عذر و يستناكي لكن كده ممكن يحس بالتقليل يتوجع زي ما بتقولي

نعيمه….مش هقدر صدقني مش هقدر لا اواجه ولا اتكلم يمكن قولتلوا كل الحجات اللي بتتقال في المواقف دي في رسالتي ليه بس صدقني هيبقي صعب عليا اوي لو قولت كل ده في وشه

الدكتور….طيب واهلك مش لازم تعرفيهم علي الاقل ليه هما كمان قررتي وداعك ليهم يكون في رساله

نعيمه….عشان نفس السبب مش هقدر ممكن تقول عليا ضعيفه مبعرفش اواجه ممكن تقول خايفه يرفضوا و ياثروا عليا يمكن يبان زعلهم في عينهم و مش هتحمل ده

بس انا خدت القرار ومش هقدر انفذوا الا بالطريقه دي صدقني انا محتاجه ابعد فتره محتاجه افهم نفسي محتاجه اواجه نفسي قبل ما اواجههم

الدكتور….بس يمكن قعدتك مع ايمي كانت اكبر مواجهه لنفسك و يمكن عشان كده انتي منهاره

حطت ايدها الاتنين علي وشها وهي منهاره

الدكتور…..كلامها ليكي كان قاسي و لا مكنتيش متوقعاه

شالت أيدها من علي وشها وبصتلوا وهي بتهز راسها بلأ

نعيمه….ولا ده ولا ده بس زي ما قولت هي خلتني اقف قدام نفسي لاول مره و انا مكنتش عايزه اعمل ده

الدكتور…..زعلتي منها

نعيمه….بدموع بالعكس انا مبزعلش منها ولا بزعل من البنات عموما

الدكتور….طيب وهي عارفه بالخطوه اللي انتي هتاخديها دي

نعيمه…لا متعرفش حاجه انا خرجت من عندها كلمتك و اول حاجه فكرت فيها اني ابعد و اسافر

الدكتور…..انتي لسه قدامك كام ساعه تفتمري في الكام ساعه دول لو خطيبك عرف و جالك يمنعك هتوافقي ولا هتصممي

نعيمه….بدموع معرفش و يمكن عشان كده اخترت ان وداعي ليه ولاهلي يكون في رساله لاني ممكن اضعف ممكن اتأثر بكلامهم و انا مش عايزه كده انا عايزه ابعد وبس وجودي هنا بالحاله دي بيخسرني كتير خسرني اتنين من اعز صحابي خلاني اوجع نادين خسرني اختي جايز يكون كمان بدأ يهز علاقتي بفضل و وتر علاقتي مع ايمي كفايه كده كفايه انا بقيت قدامهم او في نظرهم مع كل موقف بني ادمه اسلوبها وحش بتقول كلام يوجع نصيحتها حتي لو علي حق فا هي غير مقبوله بقيت في نظرهم بتاعت مشاكل انا يمكن طباعي مختلفه و معترفه ان اوقات بقول اللي جوايا زي ماهو دبش زي ما ديما يقولوا عليا ويمكن لما بزعل بتعصب و بخرف في الكلام بس عمري ما وصلت للحاله دي معاهم الضغط اللي جوايا عمال بيكبر كل يوم عن اللي قبلوا شويه اوقف نفسي و افوق نفسي و اقول لا اظبطي نفسك و ارجع ابقي كويسه و تمام و شويه تاني ضغطب علي نفسي ده بيزود الضغط اللي جوايا بيخليني ابان بصوره اوحش بكتير من اللي هما كانوا يعرفوها و متقبلينها