لقاء كارثي

نسمه…..الوو

سليم…..ايه الاخبار روحتي

نسمه…..اه واتصلت بيك وكنسلت

سليم…..معلش حقك عليا والله كنت بعمل حاجه في الشغل

نسمه….لا و لا يهمك انا قولت هتخلص و تكلمني

سليم….طيب القمر بيعمل ايه الوقت بقي

نسمه….ولا حاجه خدت شاور و مستنيه ماما تجهز الاكل

سليم…..بالف هنا خلاص روحي كلي و لما تخلصي انا موجود

نسمه…انت في الكافيه صح

سليم….انا كنت في البيت بس روحت غيرت عشان وقع عليا عصير ورجعت تاني

نسمه……ماشي انت كلت

سليم….لا لسه شويه و هاكل ابقي صلي اوك

نسمه….حاضر هصلي الوقت علي طول

سليم….ماشي يا روحي يلا شويه و اكلمك

نسمه….اوك باي

سليم….سلام.

…………………..

في المطعم..

محمود…..بضحك انتي متأكده عايزه تعملي كده

ريهام….طيب بذمتك فكره وحشه لو اه قول عادي

محمود…لا والله حلوه و مجنونه

ريهام….بصراحه يعني حاسه ان الجو العام في المطعم هادي زياده عن اللزوم فا ليه منعملش حاجه مجنونه و مش هنبوظ نظام المكان لان من وقت لاتاني بيتهيألي الناس بتزهق من الروتين

محمود….والله العظيم فكره تجنن و انا هخلص معاكي الوقت وهروح اعملك البوسترات اللي قولتي عليها و اجيبلك اللي طلبتيه

ريهام….طيب وكل ده بقي يخلص امته

محمود….بكره يكونوا عندك علي كول وهظبط معاكي الدنيا متحمليش هم

ريهام ….ماشي بس مانساش احنا مفيش قدامنا وقت كام يوم بس

محمود….والله العظيم بكره متقلقيش كل حاجه هتكون خالصه و هنظبط البيدج بتاعت المطعم قبلها بيومين

ريهام…..ماشي اتفقنا بس اوعي تفتن بقي خلينا نفاجئهم احسن يقولوا ايه الجنان ده و يكنسلوا الفكره

محمود….حتي لو قالوا مش متحمسه انتي للفكره

ريهام….اه جدا

محمود….بابتسامه خلاص هتتعمل

ريهام….بسعاده اتفقنا

………………………

تقي….بضحك هو ايه روتين رمضان ده هو رمضان ليه روتين

عدي….اكيد مش كل بني ادم طبيعي عنده طقوس معينه ولا انتي معزه

تقي…. بضحك اتلم يا عدي معزه في عينك و عموما يعني انا مليش طقوس غير الاكل

عدي…..بضحك الله يخربيت عقلك غير الاكل يا تقي

تقي….بضحك هو انت ليه محسسني اني غريبه مش فهماك والله انت عندك طقوس غير الاكل و الصلاه و الصيام

عدي……يعني بعيداً عن العبادات اه بنعمل حجات كتير في عندنا في الكافيه بنعمل اجواء و مسابقات بلاي ستيشن بنعمل دورات كوره احنا والشباب كلهم بنعمل توزيعات لرمضان غير النائده اخر عشر ايام لازم الكل يلتزم بالصلاه العشره الاواخر دول بيبقوا مهمين غير التراويح وكده يعني