لقاء كارثي

فضل باصص عليها بحب و هي مبتسمه وباصه للشارع لحد ما وصلوا قدام الفندق

ليله….احنا هنطلع كده خلاص

عشري….بضحك ايه يا هبله هنفضل في الشارع مش عايزه ترتاحي شويه

ليله….لا عايزه بس انت لو طلعت حطيت راسك عالمخده مش هعرف اصحيك و اليوم هيضيع انا عايزه اشوف البلد بالنهار

عشري…بابتسامه لا مش هنام كتير الساعه لسه مجاتش تسعه ننام ساعتين تلاته حتي وبعدين نصحي نعمل كل اللي انتي عيزاه اتفقنا

ليله….كل اللي انا عيزاه

عشري…..شاوري بس

ليله…بابتسامه عايزه اروح الجسر بتاع البوسفور

عشري…..بضحك ده ايه ده

ليله….بضحك لا يومك مش معدي معايا يا بلطجي انت مش عارف حاجه خالص

عشري…..عرفيني انتي ياللي مقطعه تركيا

ليله….انا كنت مقطعاها في المسلسلات بس زمان بقولك ايه شكلك كده هتغرفنا سيبلي نفسك

عشري….بضحك فاكره الخناقه اللي عملتيها معايا يوم الفرح الصبح لو مطلعتيش قدامي الوقت و خلتيني انام شويه هعملك اختها قدام الفندق

ليله….بضحك اهدي يا بلطجي مش كده انت جايبني هنا عشان تستفرد بيا والله اروح السفاره و اوديك في داهيه

عشري….بضحك طب قدامي الطاقه اللي عندك ظهرت فجأه دي مش مريحاني نمتي وارتاحتي في الطياره

ليله….بلاش كدب هي ساعه و صحيت

عشري…طيب يلا خلينا نطلع

ليله…..ماشي

مسكها من كفها و دخلوا علي جوه دقايق بسيطه و طلعوا علي الاوضه بتاعتهم حطولهم الشنط و سابوهم دخلت ليله علي طول بصت من الشباك وهي مبسوطه اوي كانت شايفه البلد كاها من فوق و شافت الجسر

ليله….عشري عشري الحق الجسر اهو

عشري….بضحك قرب منها وحط ايده علي رقبتها هو ده بقي اللي عايزه تروحيه

ليله….اه ده جميل اوي مش عاجبك ده بليل بيبقي احلي

عشري….وشوفتيه فين بليل بقي

ليله….ماقولتلك كنت مقطعه المسلسلات زمان

عشري…..بابتسامه مبسوطه

ليله…. اوي يا عشري

باسها بوسه طويله من خدها

عشري…..يارب ديما يا قلب عشري ممكن بقي ندخل نظبط الشنط و ندخل ناخد شاور و ناكل حاجه و ننام شويه

ليله….شنط !! لا مع نفسك انا مش قادره

عشري…..نعم يا اختي بت انا مش قادر والله احدفك من هنا وبعدين انا مش ساعدتك وانتي بتجهزي

ليله…..ساعدتني ايه يا راجل بطل كدب بقي انت كنت عمال تتمرقع

عشري….بضحك مسكها من رقبتها انا يابت بتمرقع