لقاء كارثي

و بقينا صحاب او لا اخوات اهل بقينا كل حاجه لبعض مبيفرقش معايا يتريقوا علي اسمي يهزروا انا عارفه انهم بيحبوني زي ما بحبهم

الدكتور…..ليه انفصلتي عن اهلك ؟

نعيمه…..بابا وماما ببحبوا بعض و متجوزين عن قصه حب و لحد الوقت بيحبوا بعض اوي بس انا طول عمري حاسه اني تايهه وسطهم بيحصل بينهم مشاكل جايز مش كبيره بس عارف انا تضيع وسط اتنين بتحبهم من قلبك بجد بتبقي صعبه ابويا مهندس بترول طول عمره شقيان و تعبان و كل همه انه يقدر يامن مستقبلنا قبل ما يقعد من شغلوا قضي من عمره سنين كتير اكتر من نص عمره متغرب بين محافظات و بلاد بره و امي ست بيت معاها ثلاث ولاد انا اكبرهم ابويا كان ما بيصدق يجي اجازه يرتاح و بيبقي حابب يفصل طول الوقت قاعد في شمس وصحراء و شغل صعب و هو بطبعه بيحب البيت اوي احلي وقت بالنسبه اللي بيقضيه وسطنا بعد تعب الشغل و الغربه بس امي بحكم انها مكانتش بتقدر تخرج بينا و هي الاب والام كانت ما بتصدق بابا يجي عايزه بقي تخرج معاه تتفسح تعوض الشهور و اوقات السنين عايزه تعمل معاه ميميوري عايزه تحس انها ست بتخرج و بتروح و بتيجي مع جوزها وحب عمرها اللي من وجهة نظرها الشغل والمسؤوليه حرموها منه

و انا كان بيصعب عليا بابا كان يقولها خدي فلوس واخري وسافري بس انا مش حابب ولا قادر وهي كانت عيزاه هو و دي نقطه الخلاف اللي ببنهم طول عمرهم لدرجه انهم ممكن يعملوا خناقه كبيره علي سبب تافهه وكانهم بيتلككوا لبعض و انا بحكم اني الكبيره كنت بحاول اهدي الدنيا بينهم لو وقفت مع بابا ماما تزعل وتقولي انتي بتحبي ابوكي اكتر و لو وقفت مع ماما يحصل العكس مش هنكر اني لما بدات اكبر شويه و افهم و احب كنت بحس ان ماما معاها حق ماهي الست لو مخرجتش و شافت الدنيا مع جوزها وحبيبها هتعمل ده مع مين و في نفس الوقت انا عارفه طبع بابا بيحب البيت الهدوء بيحب يقرأ تعب شغلوا وصعوبته خليتوا مابيصدق يرجع البيت وسطنا ..

اوقات كتير امي كانت بتمنع نفسها عن ابويا يعني نوع من انواع العقوبه و هو كان بيضايق و اوقات تانيه كان يهددها انه هيتجوز في النهايه هو بيهدد وهي بتعاقبه بس بيحبوا بعض ومحدش فيهم بينفذ مجرد بس تنفيس عن اللي جواهم بس انا كنت بشوف وبسمع و بحاول اتدخل في حجات مش سني اصلا يعني انا مهما كنت الكبيره فا انا بالنسبه ليهم صغيره عن اني اتدخل نفسي في سني ده مشاكل متجوزين عن اني اعرف ان امي مانعه نفسها من العلاقه وابويا بيهدد بجوازه من غيرها عن مشاكل تافهه وبسيطه