لقاء كارثي

هيساعدك بتمارين بنصايح بعلاج بسيط يساعدك تفصلي تهدي جربي مش عيب المهم انك تبقي بخير

بصتلوا نعيمه بهدوء و هزت راسها و سكتت..

…………….

مر اليوم و جه يوم جديد ليله وعشري فاصلين عن الدنيا والعالم مش بيقعدوا لحظه و بيتنقلوا من مكان لمكان و كل مكان بيروحوا فيه بيعملوا فيه ذكري جديده ضحك و هزار و سعاده وحب ..

سلمي وحسان لليوم التاني بينزلوا يلفوا علي حاجتهم و يختاروا مع بعض

ايه وسلامه مبسوطين البيت بيجهز و المحل بتاعها كمان بيرجع زي ما كان و بدأوا يشوفوا فرش البيت ويفكروا مع بعض نغم حالتها النفسيه احسن كتير بس لسه مرعوبه من البلاغ اللي عملتوا بس كانت بتحاول تقوي نفسها تامر جابلها خط جديد خالص و حطت عليه ارقامهم هما بس و طول الوقت كانت قافله الرقم التاني

نادين فضلت مع نعيمه كانت قايله انها هتمشي بس مكانش هاين عليها تسيبها و نعيمه سكتت معترضتش ولا طلبت منها تمشي وده فرح نادين شويه

ريهام ومحمود بدأوا تنفيذ الاحتفال باليوم زي ما ريهام قررت و عملوا بوسترين كبار يتحطوا قدام المحل
بيعرفوا الناس بالحفله يوم الخميس
و نزلوا كمان علي البيدچ

اما الشباب كانوا بيستعدوا لافتتاح كبير وضخم للفرع الرابع للكافيه الكبير بتاعهم عشان بمجرد ما عشري يجي يتفتح المكان

غير تجهيز نادين لحفله جنس المولود اللي أيه و محمود كانوا بيساعدوها فيه

نسمه كانت متلغبطه شويه من ناحيه مبسوطه و فرحانه جدا و من ناحيه تانيه بتفكر في اللي حصل بينها و بين نعيمه من اخر مره محدش فيهم كلم التاني بس قررت تستني وتشوفها هي هتعمل ايه لانها كانت زعلانه اوي منها قررت تركز في شغلها ومع سليم ..

الجو العام اصلا كان كله انشغال احتفالات وافتتاحات غير رمضان اللي كان داخل عليهم..

وفي وسط كل ده اقتنعت نعيمه بفكره الدكتور بعد كلام ليله و ايمي و كلام فضل وحجزت و كان عندها معاد الساعه ثمانيه مكانتش عارفه هتروح تقول ايه او تعمل ايه تخرج كل اللي جواها ولا تخبي ولا كلام الدكتور معاها هيخليها تقدر تتكلم

و علي الساعه تسعه كانت قاعده قدام الدكتور و باين عليها التوتر

الدكتور…..بابتسامه جاهزه يا نعيمه

نعيمه….هزت راسها جاهزه بس مش عارفه ابدأ منين ولا عارفه اقول ايه انا اصلا مش عارفه انا ليه جايه يمكن عشان كانت نصيحه في وقتها اني ازور سرابيثت او يمكن عشان حاسه اني محتاجه اتكلم بس الاكيد اني مش جايه غصب عني انا جايه وانا حابه اجي