لقاء كارثي

لكن انتي مشاكل عاديه بتحصل في اي بيت مش عيب انها تأثر فيكي ولا عيب انها تخليكي تخافي من المستقبل وان حياتك تبقي نسخه من حياتهم بس لازم تعرفي ان الوقت والاشخاص والزمن غيرنا احنا انا عمري ما هكون ابويا اللي فقد عقله في لحظه و مد ايده علي امي في ساعة شيطان اه مكررهاش تاني بس مستحيل انا ابقي زيه في اللحظه دي ولا انتي امي اللي من حبك فيا هتسكتي و تخبي وتداري عليا و لا انا الراجل اللي هيفقد عقله لدرجه انه ينسي ان ولاده معاه و جايز يشوفوا اللي انا اتوجعت منه مستحيل اعملوا مع ولادي و انتي مش امك يا نعيمه اللي هتعمل مشكله عشان خروجه لان انتي عارفه كويس اني مش ابوكي اللي حابب يفضل في البيت يقرا كتاب او يفصل عن هم الشغل و السفر

ظروفهم غير ظروفنا و وضعهم غير وضعنا و الزمن غير الزمن والتفكير غير التفكير انا وانتي لينا حياتنا حتي لو رجعت من الشغل تعبان انتي تقدري تسلي نفسك باكتر من طريقه ليكي حياتك وشغلك و صحابك مش ست بيت قاعده بين اربع حيطان مع ولادها و لا شغل ولا صحاب زي امك وانا مش الشخص اللي بيفضل قاعده البيت طول الوقت احنا مختلفين و اللي ضايقنا و وجعنا مستحيل نعملوا تاني في حياتنا بالعكس اوقات اي غلط بنشوفوا بيحصل في عيلتنا بيبقي درس لينا يخلينا نعرف نغير حياتنا و نتفادي اخاطئهم اللي هما وقعوا فيا بس انك تدخلي في الحاله دي يا نعيمه معماه انك هتفشلي ماهو المواقف اللي بتحصل دي بيبقي اخرها حاجه من اتنين يا نتعلم و منكررش اخاطئهم يا اما تسببلنا عقده و منعرفش نشوف حياتنا و انتي لازم تختاري المشاكل دي هتأثر عليكي بالايجاب و لا بالسلب فهمتي يا نعيمه

نعيمه….بهدوء فهمت و يمكن انا اه مش هكدب عليك خايفه افشل خايفه نبقي نسخه مصغره من اهالينا كمان خايفه من نفسي فضل انا مش حد وحش انا جايز عصبيه بقول كلام غلط في توقيت غلط بزعل الناس مني بس انا مببقاش قاصده صدقني فضل انا عايزه ابعد فتره مش بس عنك عن الكل لاني حاسه الفتره دي انا ببوظ الدنيا بخسر ناس مينفعش اخسرها بغلط كتير بقول كلام مينفعش اقولوا

عماله بعك الدنيا ببقي بحاول اطلع من موقف الاقي نفسي اتحطيت في موقف اسوأ خرجت منه مزعله مني صحابي اهلي اقرب الناس ليا

فضل…..بس البعد مش حل يا نعيمه الحل انك تقعدي مع نفسك تشوفي و تواجهي غلطك وتعترفي بيه تسالي نفسك اللي زعلتهم دول يستحقوا يزعلوا كان ينفع اسمعهم الكلام ده اعتذر احاول اصلح و اللي بيحبك بجد هيسامحك