لقاء كارثي

تقي….امممم فهمتك طيب يعني غير العبادات احنا متعودين بندبح قبل رمضان بابا و عمتو قمر و عمتو اميمه وليله و بيوزعوا ليله بتعمل معاهم حجات كتير و بننزل نوزعها انا و هي وبابا و حمزه ونوح والعيال كلها من الاخر

عدي…..بضحك وانتي من ضمن العيال

تقي….بضحك ده انا اعيل واحده فيهم يبقي يومهم اسود لو عملوا شنط رمضان من غيري و لازم انزل اوزع بابا و ليله بياخدونا و نروح نوزع معاهم ليله سبعه وعشرين بنعمل فطار و بيتوزع علي روح تيته و جدو و بنفطر كلنا في اليوم ده مع بعض غير فطارنا مع بعض يعني بابا بيعزمهم عمتو اميمه بتعزمنا و عمتوا قمر و ليله كانت بعزمنا بس بره و اوقات بسيطه في البيت بس الاغلب بنورح مكان فا بنتعزم مع بعض و بنفطر بس فطار ليله سبعه وعشرين ده مقدس في العيله لازم ناكل من الاكل اللي اتوزع بس بنفرقع صواريخ و نلعب و نعمل الزينه و كده

عدي……بضحكه جميله انا قولت هبله محدش صدقني

تقي…..بضحك ايه مبتفرقعش صواريخ ده انت عديت ليڤل الوحش بالالعاب الناريه بتاعتك

عدي…..لا صراحه بنفرقع بس ابويا بيفضل يشتم فينا و يبهدلنا واللي يطولوا بيتروق

تقي….بضحك مبيحبش صوتها

عدي……بيتخض عشان انا واخواتي بنقعد نحدفهم في السر كده و علي اخويا هو كبير بس في جو رمضان ده بيبقي مجنون

تقي…. بصراحه انا بحب اجواء رمضان اوي

عدي…..وانا كمان والسنادي يعني رمضان هيبقي مختلف ولا ايه

تقي….بابتسامه طبعاً معنديش شك

عدي…..كل سنه وانتي طيبه قبل الناس كلها بقولك اهو

تقي….وانت طيب يا حبيبي رمضان كريم

عدي….اللهم اكرم بقولك ايه انا هقفل وشويه و اكلمك

تقي….خير مالك هتقفل مره واحده كده في بنات ولا ايه

عدي….ناشفه مفيش غير شباب والحريم الموجوده مش لوحدهم

تقي….بضحك ومالك زعلان ليه كده يومك مش معدي

عدي….بضحك لا مقدرش خلاص

تقي…ماشي ياعم يلا روح شوف اللي وراك باي

عدي….باي يا قلبي

…………………….

نادين عرفت من الدكتوره و كانت مبسوطه و طايره من السعاده قبل مكالمه ايمي ليها كانت راحه تشوف ميدو كان لسه باين علي صوتها انها مش تمام اوي بس مكالمتها مع الدكتوره بعد ما عرفت جنس المواليد خلتها زي الطفله اللي هتموت من الفرحه و فرق معاها اوي ان ايمي تختارها هي

جالها ميدو عشان ياخدها من قدام البيت بالرييس