لقاء كارثي

قدموا كل حاجه في البلاغ اللي اتعمل و بعدين مشيوا تاني كانت مبسوطه اوي و حست ان في امل تجيب حقها..

………………

الوقت كان عمال بيعدي ايمي عماله كل شويه تبص علي الموبايل عشان ليله متصلتش كانت قلقانه اتصلت علي نادين.

نادين….ايوه يا ايمي كنت اسه هكلمك

ايمي…في حاجه ولا ايه

نادين….كنت هسألك ليله اتصلت عليكي

ايمي…انا اصلا بتصل عشان كده قلقانه عليها والله لا اطلع عينها لما تتصل انا قولتلها كلميني علي طول لما توصلي

نادين…..متصلتش عليا برضوا والله بس جايز معرفوش بجيبوا خط و راحوا يناموا اكيد لما يصحوا هيجيبوا ويتصلوا علينا

ايمي….يعني كان محتاج وقت ما كانوا اتصلوا علينا الاول عشان نطمن بدل القلق ده

نادين….لا متقلقيش خير ان شاء الله هما المفروض وصلوا من الصبح متوتريش نفسك اكيد هيكلمونا

ايمي…..طيب خير ان شاء الله انا قولت اشوفها يمكن تكون كلمتك

نادين….لا والله مكلمتنيش

ايمي….انتي فين كده ؟

نادين…..انا كنت بستلم شقه و روحت علي المخزن سلمت اوردرات للمندوبين و يعني ورايا كام مشوار كده

ايمي….كلمتي نعيمه انهارده؟

نادين…لا مكلمتهاش بصراحه يعني هخلص اللي ورايا و ابقي اتصل عليها كده اشوفها

ايمي….خلاص تمام يا قلبي انتي كويسه

نادين….الحمد اله

ايمي….الشغل اخباره ايه

نادين….يعني لحد الوقت كويس

ايمي….نادين انا مش عيزاكي تحملي هم الشغل خالص و متفكريش في اي حاجه كل حاجه هتبقي كويسه احنا معاكي

نادين ….عارفه يا ايمي بس زي ماقولت لو نعيمه فضلت مصممه علي قراراها انا هعمل اللي قولت عليه

ايمي….حتي لو فضلت مصممه متبوظيش شغلك هب كده كده قالت مش عايزه الفلوس امبارح انا وليله روحنالها زي ما قولنالك و قالت مش عيزاهم

نادين….وانا مش هعرف يا ايمي اشتغل بفلوسها وهي مش معايا كان ينفع لو هي حابه بس تاخد بريك من غير ما تبعد عن الشغل نهائي لكن بالشكل ده مستحيل اقبل اشتغل بفلوسها و هي مش مستفاده حاجه

ايمي…..بس هي لازم تتحمل جزء من الخساره يا نادين حتي لو الخساره دي في انها تستني شويه علي فلوسها هي واثقه كويس ان مفيش سيوله و عارفه كمان ان ده ممكن يأثر عليكي و علي شغلك يبقي تستني و هي بالفعل قالت مش عايزه

نادين….مش هعرف يا ايمي صدقيني و بعدين ما انتي عرفاني كويس اي فلوس خاصه بيك بحب اخلص منها اول باول