لقاء كارثي

وبعد ما خلصت كتبت ورقه تانيه و قفلتها كويس …

قامت بهدوء وهي بتمسح دموعها جهزت ورقها و كل حاجه خاصه بيها

و نزلت حطت الشنط في عربيتها

وطلعت تاني حطت البوكس و الرسالتين علي جنب ..

و استنت معاد الدكتور جه و راحت بس وصلت وهي في حاله مش حلوه يمكن اصعب بكتير من اول مره كانت منهاره بجد..

الدكتور…..عيطي العياط مش عيب بالعكس هترتاحي بس يمكن اول مره جيتي كنتي افضل حصل ايه يخليكي توصلي للانهيار ده.

نعيمه…..بدموع انا عماله بخسر بخسر كل حاجه بخسر نفسي و صحابي و لسه هخسر اكتر

الدكتور….ليه بتقولي كده

نعيمه…..عشان كل حاجه حواليا بتخليني اقول كده انا مش عارفه العيب فيا ولا في مين بس انا مش حد وحش والله العيظم انا مش حد مؤذي انا انسانه عاديه بحب كل الناس اللي حواليا من قلبي جايز اسلوبي اوقات بيبقي صعب جايز بقول نصيحه بشكل مش صح فا بتخليني اخسر اللي قدامي جايز بايدي بضيع اي عذر ممكن حد يديهولي بس انا وحشه و مش عايزه اخسر حد

الدكتور….محدش بيخسر حد يا نعيمه الا لو مان حابب كده

نعيمه….بدموع بس انا والله العظيم مش حابه

الدكتور….طيب ليه قرار السفر المفاجئ ده ليه متستنيش و تواجهي اللي مزعلك او اللي زعلان منك

نعيمه…اوقات كتير المواجهه بتبقي صعبه و اوقات كتير انك تختار البعد بيبقي اريح ليك و للناس اللي بتحبها

الدكتور….بس من كلامك انتي لا عايزه تبعدي ولا تخسري لو الناس اللي حواليكي بتحبك بجد هتديكي الف عذر و حتي لو غلطتي في حقهم بطريقتك باسلوبك هيسامحوكي

نعيمه…..بعدي عنهم ممكن يكون من اصعب قرارات خدتها في حياتي يمكن اصعب بكتير من قرار استقراري بعيد عني عيلتي انت مش فاهم حاجه انا من غير صحابي مقدرش اعيش وده بجد وجودهم في حياتي حاجه مهمه زي النفس اللي بتنفسه بالظبط

الدكتور …وليه عايزه تبعدي مزعلينك

نعيمه….بالعكس يمكن اخر فتره دي انا اللي بزعلهم

الدكتور….طيب لو هما مهمين كده بالنسبالك هتقدري تبعدي عنهم

نعيمه…بدموع والله العظيم ما هقدر بس علب قد ماهو قرار صعب علي قد ما هو اسهل بكتير من اني اقعد انا لازم ابعد محتاجه افصل محتاجه افهم نفسي محتاجه اقعد مع نفسي محتاجه اعرف انا صح ولا غلط

الدكتور…طب وخطيبك من كلامك انه راجل محترم بيحبك و بيجهز عشان تبقي معاه مش شايفه ان قرار انفصالك عنه ده غلط ولا انتي مبتحبيهوش