لقاء كارثي

عشري….هي الشتيمه كده بس انتي المقصوده

ليله…زقتوا و هي بتضحك كمان مش عارف تشتم صح صحيح لا شعر ولا عقل جريت من قدامه علي جوه

عشري….بضحك يومك اسود انا حكيتلك يابت عشان تمسكيها عليا

ليله…..بضحك علي والله كان عنده حق

عشري….طب عليكي انتي وعلي و هنفخك يا ليله حدفها عالسرير و نام فوقها وهي بتضحك

ليله……ااااه يا غبي والله مش قادره اسكت بقي تعبت و قوم غير هتبرد

عشري….لا يا شيخه خايفه عليا ما انتي اللي مغرقاني

ليله…انا مقدرش انا بغسلك وشك عشان تفوق

عشري……حنينه اوي

لياه….لفت ايدها علي رقبته وباسته بطل رخامه بقي الوقت اتاخر والله زمانهم قلقانين علينا

عشري…ما تفكك منهم خمسه بقي احنا جايين نتبسط وهما عارفين

ليله…..لا مقدرش عشان لو في مكانهم وحد مطمنيش هطين عيشته وبعدين ياللي معندكش دم امك فضلت تقولك طمني و متتاخرش عليا حرام عليك زمان قلبها هيتجنن عليك

عشري…..ماشي يا ستي هقوم بس يكون في علمك عشان اللي عملتيه فيا ده هتعزميني علي الاكل ومش دافع يا ليله

ليله….ماشي انا موافقه بس مترجعش انت في كلامك بقي وتدفع بدالي

عشري…..مش هرجع ويلا قومي جهزي نفسك

ليله…..ماشي يلا غير بسرعه انت كمان عشان متبردش.

عشري…..حاضر بحبك يا بلطجيه قلبي

ليله….بضحك وانا كمان

قاموا لبسوا و جهزوا نفسهم كانت لابسه فستان و شكلها يجنن و معاها بالطو طويل كان شكلها عروسه بجد

كان واقف يظبط دقنه في المرايا بصتلوا و ضحكت

عشري….رفع حاجبه و هو باصصلها في المرايا خير

ليله…..بضحك مفيش بس ياحرام عشان مفيش شعر بيظبط دقنه

عشري….بضحك بصلها تصدقي بالله هروق عليكي

ليله….بضحك لا خلاص يا ناااااس بحب قمر

عشري…..انت اللي قمر يا قلب عشري ايه يابت الحلاوه دي

ليله…..دي اقل حاجه عندي

عشري…..طبعاً انا جاهز

ليله….وانا كمان يلا بينا

عشري…..يلا يا حبيبي

……………..

بعد حوالي ساعه ايمي كانت بتجهز و باين عليها القلق رن موبايلها برقم غريب ردت بسرعه ليله كانت فاتحه الاسبيكر

ليله…..قلبي اللي وحشني

ايمي…..تصدقي بالله انتي بت بنت …….و لو شوفتك قدامي يا ليله…… وهطلع…….

ليله…..بضحك بااااااس برستيجي باظ قدام عشري يا حيوانه

ايمي….عليمي وعلي عشري هو كمان معندوش ريحة الدم