لقاء كارثي

انا لازم ابعد لان وجودي معاهم الفتره دي بيخليني اوجعهم انكد عليهم اضايقهم و انا والله مش قصدي انا لما بفكر يعني طيب ايه ذنبهم في طريقتي اسلوبي ايه ذنب سلمي وايه يزعلوا مني و ايه ذنب نادين وذنب اختي مش لاقيه ذنب ليهم غير اني كنت انانيه لاني عارفه انهم هيتحملوني مهما عملت جايز استغليت شويه حبي ليهم لاني عارفه انهم هيسامحوني بس لما توصل ان اختي تواجهني بحجات مكنتش متخيله انها جواها و لما توصل اني احاول اشيل البلوك لسلمي وايه و اعتذر و اللاقيهم هما كمان عملولي بلوك يعني وصلتهم لدرجه ان هما خلاص مش متحملني يمكن انا معرفتش حد اني اتصلت بيهم ولا عرفت حد انهم عملولي بلوك بس اتوجعت مش منهم والله انا اتوجعت عشان وصلتهم بأيدي لده بدأت اخلي اللي كان بيعديلي طريقتي لا يعمل استوب و يخرجني من حياته

الدكتور….طيب مش جايز زعلانين بس شويه

نعيمه….بدموع يمكن و حتي لو بجد حابين يخرجوني من حياتهم مش هزعل في النهايه هما بشر واتحملوني كتير بصراحه لحد ما جيبت اخرهم

الدكتور….ده عشان بس ميعرفوش السبب اللي وصلك لكده مش يمكن لو عرفوا هيسامحوكي

نعيمه…..مش هقدر صدقني اللي بعملوا ده احسن ليا وليهم ما البعد بيعمل حاجه من اتنين يا اما بيخلي النفوس تهدأ مع الوقت يمكن اوحشهم مثلا او يخليهم يقولوا احسن خلصنا منها و من طريقتها

الدكتور…..بس ميتهياليش هيقولوا كده نعيمه انتي مش شخص وحش بالعكس انا شايف انك حد جميل و طيب و مش بالصوره اللي انتي شايفه نفسك بيها دي انتي بني ادمه في الاول والاخر

نعيمه……بدموع هزت راسها لا انا نفسي مبقتش متقبله نفسي واه شايفه نفسي وحشه جايز انا مش وحشه اوي بس بقيت وحشه

الدكتور…..متبقيش قاسيه علي نفسك لان الوقت انتي محتاجه اللي يطبطب عليكي و حاليا انتي قررتي تبعدي عن الكل علي الاقل متخسريش نفسك بلاش تبقي قاضي وجلاد يمكن هما مكانوش وحشين معاكي بس كمان براحه علي نفسك عشان علي الاقل تقدري تخرجي بره الدايره دي

نعيمه…..حاسه اني مش هبقي كويسه تاني حاسه اني اتكسرت حاسه ان القرار اللي خدته قتلني من قبل ما انفذه

الدكتور….بمكن انا مع المواجهه اكتر واقصد بالمواجهه نفسك قبل اي حد بس كمان اوقات البعد بيريح كتير عشان كده انا مع برضوا انك تبعدي فتره وتهدي و تحاولي تفكري صح اعتبري نفسك في اجازه او في سفريه شغل افصلي يا نعيمه و انا عارف انك هتبقي احسن من الاول و زي ما قولتلك انا هفضل متابع معاكي و هنتواصل علي النت و نكمل جلساتنا