لقاء كارثي
لقاء كارثي
ليله…..اه كل ما احطلك طقم تفك التطبيق بتاعه و تقيسوا كأنك بتتعرف علي الهدوم
عشري….طب انجري قدامي و خلينا نخلص والا هفضل نايم و مفيش خروج
ليله….لا وعلي ايه امري لله بس نرجع و يساويها ربنا يا بلطجي
عشري…..بضحك الله غالب
ليله….. الله غالب يا شيخ العرب قدامي
ضحك عشري و دخلوا علي جوه قلع الشوز و هي كمان قلعت و بدأوا يحطوا لبسهم في الدولاب و بعدين دخلت خدت شاور و هو كمان دخل بعدها شويه و طلعلهم فطار كلوا و طلع علي السرير و هو مش قادر
قعدت جنبه و هي بتفرك مش قادره
ليله….عشري
عشري…امممم
ليله….اصل يعني انا عموما لما بكون مسافره مش بعرف انام كتير يعني بذمتك ينفع تبقي مسافر كام يوم و تقضي الوقت في النوم
فتح عينه وقام مره واحده رجعت بسرعه عالمخده وهي بتضحك
عشري….انتي عارفه يا ليله لو منمتيش انا هعمل فيكي ايه
ليله…..ايه؟
عشري…بضحك انتي بتسألي يا مستفزه لا معرفش بس اكيد هعمل انا مش عايز اسمع صوت وتنامي سامعه
ليله….يابااااي عليك طب هنام قد ايه
عشري…..ساعتين و نصحي
ليله….ساعتين بس
عشري….اه
ليله…..طيب احنا مطمناش البنات واخواتي
عشري….لما نصحي هنجيب خط و نكلمهم هما اكيد نايمين ممكن نسكت بقي وخدي بالك لو فضلتي ترغي هنفضل قاعدين و مش هننزل ولا هنطمنهم عايزه تطمنيهم يبقي تنامي ماشي
ليله….بهمس طب انا مش عندي نوم
عشري…..ناااامي
ليله….طيب خلاااااص يا بااااي
بصلها ورفع حاجبه ابتسمت ابتسامه عبيطه ودخلت في حضنه
عشري….بضحك هبله
ليله….عشرررري
عشري…..خير تاني
ليله….انا بحبك اوي
بصلها وابتسم
عشري…..وانا بموت فيكي يا هبله يلا تعالي في حضني يا قلب عشري
ابتسمت بسعاده ودخلت في حضنه ربع ساعه وكانت نايمه قبلوا ضمها اوي و نام هو كمان
…………….
علي الساعه واحده نزل احمد و تامر و سلمي و نغم يقدموا بلاغ كانت نازله خايفه و عماله تبص حواليها وفي نفس الوقت حاسه انها مبسوطه ان هي هتبدأ تجيب حقها و حق اختها و الاهم ان في حد جنبها و بيدعمها..
حسان قابلهم و راح معاهم في الاول كانت متوتره جدا بس شجعوها قدمت بلاغ و بعدين طلعوا علي المشف الطبي عشان تعمل اثبات حاله الجروح و العلامات اللي في جسمها كانت لسه واضحه جدا
دخلت سلمي معاها و كتبوا تقرير بحالتها انها فعلاً متعرضه لضرب عنيف..
