لقاء كارثي

الدكتور ….طيب وخطيبك اللي معاكي الوقت

نعيمه…..باستنكار لا طبعا مينفعش يتقارن بيه

الدكتور….يعني ايه

نعيمه….يعني صوته من دماغه حتي لو بيحترم والدته بس شخصيته موجوده بيتنا اللي بنجهزوا الوقت انا اللي مختاره فيه كل حاجه لدرجه اني اوقات بحس اني مش عارفه مثلا اختار فا بسالوا و يمكن بسال والدته لاني بحبها اوي بس بصاحه بينصحوني و في الاخر بيخلوني انا اللي اختار فا في فرق كبير بين اني مع راجل و مع شخص امه اللي بتمشيه..

الدكتور….طيب عايزين نرجع لحاجه قولتيها في البدايه لما سالتك عن اسمك قولتي انك طول عمرك مش بتحببه بس حبتيه من وقت بسيط اشمعني حبتيه الوقت و مين كان سبب في انك تحبيه خطيبك.

نعيمه…. بابتسامه هاديه هو انا قولت اني طول عمري مش بحبه بس كنت بدات اتأقلم عليه و اتعودت خلاص من فتره طويله و صحابي اصلا نسوني ده لان محدش فيهم بيقولي غير نوني بس الحقيقه ان من فتره اتعرفنا علي شباب في ظروف معينه و اللي كان منهم خطيبي كملت بضحكه هاديه احنا اتحبسنا معاهم في ڤيلا لما حصل بدايه الشتاء القلبان في الجو والسيول كنا رايحين دهب و بالصدفه هما مأجرين نفس الڤيلا اليوم اللي كنا بنوصل فيه هو اليوم اللي هما هيسلموا فيه بس طبعا الدنيا اتقلبت و الجو كان متدمر عالاخر و السيول بوظت كل حاجه و اضطرينا نقعد مع بعض و طبعا لما اتعرفنا و عرفوا اسمي و اني مش بحبه كلامهم كان جميل و قالولي اسمك حلو و لازم تبقي مبسوطه بيه انا جايز كنت بدات اتعود عليه بس لما بتكون مش حابب حاجه او مجبر انك تتعود عليها و يجي حد يديك شويه طاقه ايجابيه وكلام حلو بيغير رايك و انا يمكن من بعدها حبيت اسمي اكتر و بقيت استغرب اصلا انه كان بيضايقني ..

الدكتور….بابتسامه حلو ايه رايك نقف لحد هنا و المره الجايه تحكيلي عن السفريه اللي عرفتك علي خطيبك

نعيمه…. بابتسامه هاديه تمام موافقه

الدكتور…..حاسه انك مرتاحه شويه

نعيمه….اااا مش عارفه بس اه مرتاحه

الدكتور …ولسه كل ما تخرجي اللي جواكي كل ما هترتاحي اكتر بصي انا هكتبلك حاجه بسيطه تخليكي تعرفي تنامي هو مش منوم ولا حاجه تخوف هو بس بيساعدك تبقي اهدا ولما تنامي متفكريش و تاخدي منه قبل النوم بساعه اتفقنا

نعيمه…..تمام هاجي امته تاني