لقاء كارثي

حسان…..اه ومعترف وخدي بالك انا بدات اهيس و هبوظ الدنيا قدامي يلا

سلمي….طب اكلني انا جوعت

حسان….بضحك هأكلك و اشربك واجيبلك شوكلت كما انا لو ماشي مع هنا مش هتعمل كده

سلمي…..لا خد بالك انا دكتوره محترمه ومش بتاعت الفرهده دي خالص

حسان…..بضحك حاضر هريحك بس نخلص امشي بقي وبطلي زن

سلمي…..طب امسك الشنطه

حسان….بضحك والله هتضربي شنطه ايه اللي امسكها

سلمي…..طب تجرها ورايا والله ما قادره اشيلها

حسان….امممم طب بصي قدامك خمس ثواني لو مسكتيش ومشيتي و بطلتي لعب العيال ده هشيلك وامشي بيكي

سلمي….بضحك لا وعلي ايه همشي خلاص

حسان….ايوه كده لازم العين الحمراء

…………………..

اليوم انتهي و جه تاني يوم كان ماشي بكل هدوء علي الكل..

علي الساعه عشره الصبح قامت نعيمه من النوم تكح بشكل فظيع كحه متواصله مش بتقف و كحتها كانت صعبه اوي…

قامت علي المطبخ تدور علي اي دواء للكحه لقت كذا نوع خدت من واحد فيهم وراحت تعمل يانسون

كانت عماله تكح و مش قادره بسبب التدخين الكتير واللي هي اصلا مش متعوده عليه تعبت و كمان يوم ما قررت تشرب كانت بتشرب بغباء فا صدرها مره واحده تعب

خدت اليانسون و خرجت بره فتحت الشبابيك كلها كانت مخنوقه جداً لمحت قدامها علي التربيزه السجاير مسكتها كسرتها كلها و رمتها

سندت علي الكنبه وهي مش قادره من كتر الكحه عضم صدرها تعبها استنت اليانسون برد شويه و بعدين شربته و لما حست انها هديت شويه نامت علي الكنبه تاني

الوقت كان بيمر و الساعات بتجري
ليله وعشري مبسوطين و كل دقيقه بتعدي عليهم كلها حب و سعاده وضحك و هزار وجنان شويه يعكوا من اكل الشارع و شويه يروحوا مكان شيك و شويه يتمشوا في الشوارع و يتصورا و تنزل ليله صورهم مع بعض علي الانستجرام

صور ميته فيها من الضحك و صوره وشها عليه ايس كريم و صوره وهما بيأكلوا الحمام في الشارع و صوره تانيه و عشري منزل الايس كاب علي وشها كله و صور كتير كلها بتعبر عن سعادتهم

البنات و الشباب كانوا شايفين صورهم و بيعلقوا عليها نعيمه كمان كانت باصه عالصور و بتقلب فيها و مبتسمه و هي شايفه ليله قد ايه مبسوطه وعلقتلهم و عملتلهم قلوب
اما بالنسبه ليها هي وفضل من يوم ما راحلها بليل بعد المشكله مراحش تاني بيكلمها بس في الموبايل مكالماتهم عاديه مجرد سؤال مش اكتر و سايبها براحتها لان موضوع السجاير مضايقه و اللي حصل عند ليله وعشري معصبه و مش عارف هي مالها حتي ايمي كمان من يوم ما راحت مع ليله مكلمتهاش غير مره تسأل عليها