لقاء كارثي

لان امي طول عمرها بتحب ابويا اوي و من حبها فيه سكتت ابويا لمحني هو وامي كنت واقف مرعوب و بعيط من غير صوت خايف اتضرب و رغم كل ده او يمكن لما كبرت شويه بدأت افكر في الموضوع وفي الضرب اللي امي اتضربته وسكتت قولت جايز هي اللي غلطت او استفزته اكيد مش مبرر بس انا ابويا طيب اوي يا نعيمه حنين جدا نادراً لما تسمعي صوته هو هادي و محترم و يعرف الاصول و امي طول عمرها تاج علي راسه عمري في حياتي ما شوفت لابويا موقف وحش غير الموقف ده
عمري ما قدرت امسك عليه غلطه حتي امي وقتها قالت انها وقعت من علي السلم اتزحلقت و فاكر انها قالتلي اوعي تقول لخالك لا هقطع رقبتك و انا سكت و مقولتش و مع الايام الموضوع اتنسي ابويا كان بيعمل كل حاجه حلوه عشان يراضي امي و ينسيها العلقه دي و امي نسيت و كملوا حياتهم في سعاده

وعدمن بعد اليوم ده عمري ما شوفتهم اتخانقوا او صوتهم علي جايز بيحصل مشاكل بسيطه بس عمرها ماوصلت لمد الايد مره تانيه
مشاكل زي اي بيت هنا نسيوا وفكروا اني نسيت لاني كنت عيل بس الحقيقه ان اليوم ده يانعيمه كسر جوايا حاجه مكنتش قادر افهمها خلاني بقيت خايف مش حاسس بالامان ابويا اللي كان بيشيلني علي ضهري و يلاعبني واجري عليه و انا فرحان بقيت اخاف منه منظر امي وهي بتضرب و ساكته خلاني حسيت في لحظه ان حبي ليه قل اكتر من النص

بقيت لما اسمع صوته جه مجريش عليه زي الاول يا اما العب و اتجاهل وجوده يا اما اعمل نفسي نايم لدرجه انه لما كان يقرب مني و يبوسني او يطبطب عليا زي ما بيعمل امسح بوسته وانفض هدومي من طبطبته جايز الشعور ده مع الوقت و لما بقيت اكبر قل كتير بصراحه و ابويا كان جميل و انتي شوفتيه بنفسك طيب اوي و ملهوش في اي حاجه قدرت اتخطي كتير و ارجع شويه بشويه بس الحقيقه ان طول عمري اقرب لخالي انا بحب ابويا اوي و مقدرش اتحمل عليه الهواء و جايز احنا صحاب جدا بس الموقف اللي حصل قدامي وانا طفل اكتشفت انه لسه في بالي وعامل حاجز و مخليني اقرب لخالي عشري اكتر ابويا نفسه و امي ميعرفوش اني لسه فاكر الموقف ده او اني شايل منهم من ابويا اللي مد ايده و من امي اللي سكتت علي حقها مش هكدب عليكي كان نفسي اسالهم عن السبب اللي وصلهم لكده عشان علي الاقل اعرف اديه عذر بس معنديش الجرأه اني اقف اسالهم سؤال زي ده و في نفس الوقت خلاص ده بالنسبالهم موقف عبيط حصل من سنين و كنت عيل و هما كمان كانوا شباب و يمكن ميفتكرهوش اللي حابب اقولوا ان اي موقف بيشوفوا اي طفل قدام عينه لامه و ابوه بيفضل محفور جواهم الاب والام جايز يتصالحوا يتفارقوا ينسوا لكن الاطفال مبتنساش فا انا عمري ما هلومك علي مشاعرك ولا هقولك انتي مكبره الموضوع بالرغم انه بالنسبالي بسيط في النهايه انتي امك وابوكي لا حصل بينهم مد ايد ولا تعنيف و لا كل ده بس بتفرق من شخص لشخص في ناس تشوف الموضوع تافهه او يقدروا يتخطوا وفي ناس لا بس انا موقف واحد كان كفيل يتحفر جوايا لانه مكانش موقف عادي يا نعيمه بالنسبالي