لقاء كارثي

نعيمه…..و انا مش هشرب تاني يا فضل يمكن متصدقنيش لاني كدبت عليك بس انا تعبت منها و كمان التدخين مش المود بتاعي

فضل….بالعكس مصدقك يا نعيمه بس مش قادر افهم ايه اللي وصلك لكده وامته وازاي وليه في ايه يا نعيمه انا لا جاي انهارده اعاتبك ولا اهاجمك زي ما قولتي ولا اجي عليكي انا بس عايز افهم لانه حقي و لان مش حابب اشوفك كده و انا مش عارف اتصرف او حتي اعرف في ايه

نعيمه…..مخنوقه يا فضل و متلغبطه حاسه اني تايهه جوايا مشاعر كتير عكس بعض خوف توتر قلق ارتباك رغبه في اني ابعد عن اي حاجه وكل حد جوايا لغبطه و كركبه و دوشه حاسه اني مش قادره افهم اللي جوايا مبسوطه اننا هنتجوز و في نفس الوقت خايفه و حاسه اني مش قد الخطوه دي اغلبكم فاكرين اني مضايقه عشان جواز ليله مع اني مبسوطه عشانها جدا لان ليله و نادين بالاخص اكتر اتنين كنا مستنين ليهم اليوم ده بس كمان مش هقدر انكر ان عدم وجودها مقصر فيا شويه احس اني خايفه بعد الجواز كل حاجه تقلب روتين زي ما حصل مع امي وابويا و مساكلهم وشويه واقول لا في اختلاف حياتهم غير حياتنا متلغبطه يا فضل هو انت عمرك ما حسيت ان جواك كل ده من غير سبب

فضل….بابتسامه لا حسيت و كتير عادي جدا ان اي خطوه جديده في حياتنا توترنا عادي جدا ان مقوف بسيط لا يذكر ويمكن حتي منركزش فيه يبقي هو سبب في الخلاط اللي بيقلب علينا مواجعنا مشكله تافهه نكبرها من غير ما نحس اننا مأڤورين بس السبب بيكون تراكمات

والاهم اللي لازم تعرفيه ان مفيش حاجه اسمها مره واحده او من غير سبب يا نعيمه لازم يكون في سبب يخليكي توصلي للحاله دي

نعيمه….ولو مفيش

فضل…..لا هو في بس جايز يكون عقلك مش قادر يركز ويعرف السبب او عارفه السبب و مش حابه تتكلمي فيه نعيمه انا هقولك حاجه بخصوص مشاكل اهلك انا يمكن مش من حقي ابداً اقلل من مشاعرك او من انك تفتكري حاجه زي دي و تضايقك او تخوفك بس جايز هي بالنسبالي من غير زعل بسيطه و تافهه مش تقليل هي يمكن بالنسبالك كبيره اوي بس انا هحكيلك موقف ولا ول مره في حياتي اتكلم فيه مع حد حتي ابويا وامي نفسهم مش عارفين اني فاكر موقف زي ده

انا كان عندي حوالي اربع سنين اربعه وشويه كنت صغير اوي كنت بلعب و فجأه سمعت صوت امي وابويا عالي سيبت اللعب وروحت اشوفهم و استخبيت لما شوفت ابويا لاول ولاخر مره بيمد ايده علي امي في عادتنا و تربيتنا و تقاليدنا مبنمدش ايدنا علي حريم و لا بنلفظ لفظ يجرحهم الست عندنا ليها احترام كبير و الراجل ميصغرش عقله لا يرد عليها ولا يمد ايده بس ابويا عملها و اليوم ده مكانش مد ايد بسيط انا شوفت امي بتضرب ضرب لا شوفت قبله ولا بعده و من خوفها ان انا اسمع او حد يسمع و يروح يعرف خالي كانت كاتمه بوئها