تعاهدنا

انك طماعه وطول العمر ده كنتي بتخدعينا

بحاول اصدق انك عمري ما حبيتي حد فينا

بس في حاجه جوايا بتقولي مستحيل .

في حاجه جوايا بتقولي ان في حاجه كبيره.

قوليلي ايه السبب اللي مخليكى رفضانى حتي

لو مش عايزه تجوزيني عهد انا موافق بس عرفيني

ليه..وأوعدك لو هو سر هيفضل بينا طول العمر

حتي عهد لو مش عايزاها تعرف مش هعرفها اي حاجه

بس قوليلي وريحيني قوليلي انك عمرك ما كنتي طماعه

قوليلي ان انا وعهد اهم عندك من فلوس الدنيا قوليلي

ان احساسي صح وأنك مخبيه عليا حاجه.

سهام ارحميني و ارحمي عهد احنا بنمو*ت** ومحدش

فينا قادر يوجعك بلاش انتي توجعينا بالشكل ده.

انا تعبان اوي قلبي واجعني و وجعني اكتر لما شوفتها

معاه…💔 وكمل بنبره تسيطر عليها البكاء.

مش قادر اشوف حد معاها يا سهام عهد ليا انا وبس

اتخلقت عشاني مش من حق حد يشوفها او يكلمها

او يخرج معاها غيري انا .. عهد دي بنتي اللي طول

عمري محافظ عليها صدقيني محدش هيقدر

يحافظ عليها غيري انا يا سهام حتي لو جبتلها

أغني راجل في الدنيا الفلوس مش هتسعد عهد

ولا هتقدر تأمنها .. امان عهد وحمايتها وسعادتها

معايا انا بس…لو خايفه عليا بجد ارحمي قلبي

وعرفيني مخبيه ايه..💔
…………………………………

سمعت سهام الرساله وهي دموعها بتنزل بوجع علي

صوته ونبرته اللي كاسيها الحزن .

ومسكت الموبايل تعمل فيه حاجه.
………………………………………………

أما…عند أدهم بعد ما بعت الرساله لسهام مسح دموعه

وضم ايده جامد حاسس ببرد فظيع و بيحاول انه ينعم

ببعض الدفئ لكن مفيش فايده. حاسس بالبرد بيكسر

عضمه. عشان كان لابس تيشرت بكم خفيف. بعد ما

كلم عهد.. نزل بسرعه من غير ما يلبس ولا حتي كل الاكل

اللي كان محضره هو والقهوه خرج بكل غضب و منتبهش

علي نفسه ولا علي لبسه.. قام أدهم من مكانه بتعب واضح

وفضل يمشي لحد ما وصل البانسيون.

تهاني….ادهم باشا حمدالله علي سلامتك

أدهم….الله يسلمك يا ست تهاني.

تهاني…هو حضرتك كويس.

ادهم…الحمد لله .

تهاني…بس شكلك تعبان اوي و هدومك غرقانه

حضرتك خدت المطر علي دماغك ولا ايه.

ادهم…متقلقيش انا تمام الحمد لله سلامه مشي.

تهاني…اه فضل مستنيك شويه ولما حس ان الجو هيقلب

روح بيته وقال انه هيجي بدري يطمن عليك. حضرتك