ابن ليل

واول ما الباب اتكسر دخل الشباب بطفايات الحريق وبكر وسطهم بينادي علي كرم هو وهيما والكل كان مرعوب لا يكون جراله حاجه.

محمد…..كرم جوه اهو انا شايفه.

نجوي…..كرررررررم رد عليا يا ابني

مها…..يا كررررررررم💔

كرم….من الداخل كان بيحاول يطمنهم لكن مكانش قادر يتكلم من كتر الكحه

دقايق مرت علي الكل كلها خوف ورعب واخيراً قدروا يطفوا الحريقه دخلوا بسرعه يطمنوا علي كرم كان بخير ومحصلوش اي حاجه

وحكتلهم سونه اللي شافته وهي منهاره ومش قادره تالم علي اعصابها.

جري الشباب بتوع المنطقه كلهم مشطوا الشارع عشان يلاقوا الشابين اللي وصفتهم سونه لكن محدش لقاهم كأن الارض اتشقت وبلعتهم.

بكر….انت كويس يا كرم

كرم….بثبات عشان ميقلقش امه وابوه بخير يا بكر

عيله الجمال كلها كانت واقفه نبيله حاطه ايدها علي قلبها و أرتاحت لما شافت كرم بخير

دقايق والشرطه جات بعد ما حد من الشارع عمل بلاغ وراح معاهم كرم ورفاعي وبكر والكل عشان يعمل محضر باللي حصل.

دخل كرم حكي اللي حصل و أستشهدوا بسونه لأن هي الوحيده اللي شافت اللي حصل من الاول

وسألوا كام شخص من الشارع عن اللي حصل وفي منهم ذكر عيله زكريا انهم علي خلاف معاهم من وكمان ذكروا اللي حصل في المزاد.

خرج كرم بره لحد ما الظابط ياخد اقوال الجميع وقف يشرب سيجاره بره في الوقت ده اتصلت نبيله بكرم.

كرم…..ايوه يا بلبله

نبيله…..بصوت باين عليه الخوف كرم محدش فيهم عملها يا كرم 🥺
لا عبدالله ولا زكريا يعملوها انا واثقه من كلامي

كرم….كلام ايه اللي بتقوليه يا ده بلبله

نبيله….اسمعني يا كرم للأخر زكريا اخره يضايق ابوك وعبدالله اخره يضايقك لكن ميعملوهاش انت عارف اني بقف معاك في كل كبيره وصغيره ومبنقدرش نشوفك زعلان وعندي استعداد نيجي عليهم لو فكروا يجوا عليك بس انا عارفه يا كرم ان اخرهم يناقروا فيكم وتناقروا فيهم لكن الاذيه مش طبعهم يا كرم ميعملوهاش ياولا🥺

زكريا مربيك و اللي كان بينك وبين عبدالله اكبر بكتير من انه يفكر يأذيك يا حبيبي🥺

كرم….ايووووه عليكي يا بلبله لزومه ايه الكلام ده من غير ما تقولي انا عارف ان مش هما وبعدين لما الكلام وصل للظابط وسألني قولت مستحيل وابويا قال نفس الكلام

نبيله…..وقولت كده عشاني يا كرم ولا عشان متأكد ان ده ميحصلش