ابن ليل

حست دره ان في حاجه غلط قامت وراه بهدوء عشان تحاول تعرف هو بيكلم مين.

چاك….بغضب بسيط طيب نخليها لبكره

…….

چاك…طيب خلاص اوك هاجي حالاً

…….

چاك….انا هتصرف بقي هقول اي حاجه وهخرج

چاك…..نص ساعه بالكتير و هوصل يلا باي.

دخلت دره بسرعه وراحت علي المطبخ وقفت قدام مكنه القهوه.

دخل يوسف جوه لمحها واقفه قدام مكنه القهوه.

يوسف….دره ممكن تعمليلي معاك قهوه لحد ما اطلع البس

دره….انت خارج؟

يوسف…..اه في ورق مهم نسيته في المكتب لازم اروح اجيبه هطلع اخد شاور بسرعه و أغير هدومي تكوني عملتي القهوه هشربها واخرج

دره….اوك تمام.

طلع يوسف علي اوضته خد هدوم ودخل ياخد شاور

استنت دره خمس دقايق وطلعت وراه بسرعه حطت ودنها علي الباب مكانش في صوت فتحت براحه ودخلت واتأكدت انه بياخد شاور من صوت المايه راحت بسرعه علي موبايله وشافت اخر رقم متصل بيه استغربت لما لمحت اسم D.M هو نفس اسم المستثمر اللي لمحته في الورق بسرعه حفظت الرقم علي موبايلها وخرجت من الاوضه ونزلت علي تحت وهي بتفكر وبتسأل نفسها؟

ليه خارج الوقت؟ و ورق ايه اللي نسيه في المكتب؟ و اشمعني افتكر الوقت لما جاتله المكالمه دي ؟

دقايق بسيطه ونزل وهو لابس

ديما…..بابي ما تاخدني معاك

يوسف….بتوتر اخدك معايا فين يا ديما وانا رايح اتفسح وبعدين الجو برد عليكي انتي عايزه ايه؟

ديما….كنت عايزه حجات من الماركت

دانه….وانا كمان🙄

يوسف….طيب شوفوا محتاجين ايه وانا هخلص مشواري وهجبلكم اللي انتوا عايزينه شوفي انتي كنان يا دارين ابعتولي علي الواتس اللي محتاجينه

ديما….اوك هكتبلك😍

يوسف….مش عايزه حاجه من بره يا دره

دره…..لا شكراً يا يوسف.

مسك يوسف القهوه كانت بردت فا شربها علي طول

يوسف….يلا انا هخرج يا بنات ابعتولي علي الواتس وانا هشوف

دارين…اوك يا بابي .

ديما…..متتأخرش ❣️

يوسف….اوك يلا باي.

خرج يوسف وركب عربيته في اللحظه دي مسكت دره موبايلها وعملت انها بتتكلم.

دره…..بنات انا لازم اخرج فوراً

دارين…في ايه يا مامي هتخرجي الوقت وبالتريننج

دره…..طنط دينا كلمتني و كانت بتعيط

دانه…ليه مالها؟

دره….مش عاره بس قالتلي انها محتجاني ضروي هروح اشوفها بس محدش يقول لبابي بدل ما يسيب اللي في ايده ويجي ورايا خلوه يشوف شغله وعشان كمان طنط دينا تتكلم براحتها