ابن ليل

كرم……هتفرق معاكي يا بلبله.

نبيله….ايوه هتفرق يا ولا 🥺 لو قولتها عشان متأكد انهم ميعملوش كده هبقي مطمنه لكن لو عشان تراضيني عمري ما هفرح عشان قولتهالك كتير يا كرم اوعي تيجي علي روحك او تسيب حقك عشان خاطر حد بتحبه ولو انت متأكد انهم يعملوها متجيش علي روحك عشاني وخد حقك

كرم….لا يا ستي قولت كده انا وابويا عشان عارفين انها متطلعش منهم يا بلبله

نبيله…..ربنا يطمن قلبك يا كرم ولازم تعرف اني واثقه من اللي بقوله ده ابني ميعملهاش وزكريا مستحيل يعملها اللي عملها قاصد يوقعكم في بعض اكتر قاصد يوصلك انت وغيرك انهم عملوها عشان الدكان اللي خدته بالمزاد وانا متأكده لو كان الدكان راح لزكريا كانوا هيهملوا نفس العمله معاهم عشان يتهموك فيها

كرم…..وانا واثق من اللي بتقوليه ده يا بلبله متقلقيش عليا كرم الرفاعي مش برياله وعارف الكل بيفكر ازاي متقلقيش انا مش عيل صغير عشان اسلملهم دماغي

نبيله……طمنت قلبي يا كرم

كرم….اطمني يا بلبله ومتقلقيش عبدالله والمعلم زكريا هيخلصوا الكلمتين اللي بيقولوهم مع الظابط وهيرجعولك بعد شويه ده إجراء عادي

نبيله….ماشي يا حبيبي

كرم ….يلا بالسلامه انتي الوقت

نبيله……سلام.

………………

دعاء….بخوف ايه يا بلبله قالك ايه؟ اتهم عبدالله🥺

نبيله…..بحب مش كرم يا بت اللي يتهم عبدالله مهما كان الخلاف اللي بينهم هو عارف انه مستحيل يعملها وانا واثقه انه حتي لو شافع بعينه عمره ما هيصدق كرم بيحب عبدالله يابت وعبدالله روحه في كرم🥺

دعاء…..طيب الظابط طلبهم ليه ؟

نبيله…..عشان ولاد الحرام اللي بيصطادوا في الميه العكره هما اللي جابوا اساميهم عايزين يوقعوهم في بعض اكتر

دعاء….ربنا يجازي ولاد الحرام يارب.

نبيله…..يارب.

………….

خرج زكريا هو وعبدالله من عند الظابط والمحضر اتحفظ

بص زكريا لرفاعي🤨

زكريا…انا خلصت وقولت اللي عندي يا رفاعي واللي عملها في كرم مش حد مننا

رفاعي….عارف يا زكريا وانا وكرم قولنا انكم ملكمش دخل باللي حصل من قبل ما تخرج وتقولي الكلمتين دول

زكريا….عارف انك قولت كده انت وكرم
يا رفاعي وعارف كمان ان مهما كان اللي بينا لايمكن تتهمنا بحاجه زي دي

عبدالله…..حمدالله علي سلامتك يا كرم وعموما لو محتاج تدور علي اللي عملها انا في الخدمه