ابن ليل

دارين…..مامي وصلت😍

دانه….اخيراً انا هموت من الجوع

نزلت دره من عربيتها بعد ما ركنت حاولت تكون هاديه وابتسمت عشان البنات.

ديما….حمد الله علي السلامه يا مامي كل ده

دره….معلش يا حبيبتي كان عندي كام مشوار كان لازم اخلصهم

دارين…..مش قولتي هتعملي شوبينج مجبتيش حاجه ولا ايه؟؟

دره….بهدوء تحسد عليه ملقتش حاجه عجباني

ديما….طيب ممكن ناكل بقي عشان هنموت من الجوع

دره…..طيب تمام حد فيكم يقول لكاتيا تجهز الغداء عشان انا عايزه بابي في كلمتين

دانه…..ايه وحشك😉

دره…..بنت🤨

يوسف…..بابتسامه ايه خير يا دره.

دره…..تعالي معايا يا يوسف

يوسف….طيب يلا يا بنات جهزوا السفره وخلوا كاتيا تجهز الاكل لحد ما اشوف مامي عايزه ايه.

دارين….اوك يا بابي

طلعت دره علي اوضتها ويوسف وراها

دخلت الاوضه وفضلت راحه جايه بغضب ثواني بسيطه ودخل يوسف وراها وقفل الباب

يوسف…خير يا دره في ايه؟

وقفت دره وبصتله 🤨

دره……يوسف انت سحبت فلوسي اللي في حسابي بالتوكيل اللي معاك؟

بصلها يوسف بإرتباك وسكت

دره…..ما ترد يا يوسف ساكت ليه😡

يوسف….بإرتباك طيب ممكن توطي صوتك وتهدي وانا هفهمك

دره….اوطي صوتي ؟ انت بجد عملت كده طيب ليه وازاي وامته وليه مقولتليش اصلا 😡

يوسف…..في ايه يا دره للي حصل ده كله فلوسك في الحفظ و الصون اكيد هرجعهملك وبعدين من امته في حاجه اسمها فلوسي وفلوسك

دره….من وقت ما عملنا البيزنس بتاعنا مع بعض ودخلنا شراكه بالنص يا يوسف وبعدين حتي لو انت محتاج فلوس ليه معرفتنيش انك محتاجهم وليه خليت منظري زي الزفت وانا بشتري اللي عيزاه وبتفاجئ ان كل الڤيز بتاعتي الرصيد فيها صفر

يوسف….انتي خرجتي من غير ما اعرف انتي رايحه فين لو كنتي قولتي كنت عرفتك بس انتي قولتي رايحه لدينا صاحبتك

دره…..بقي هو ده كل اللي همك يا يوسف اني مقولتلكش يعني انت مستني اني اقولك عشان تعرفني انك سحبت كل فلوسي😡

يوسف…..بصوت عالي نسبياً يوووووه فلوسي فلوسي في ايه يا دره

دره….لا انت متعليش صوتك مش مسموح اصلاً😡 متبقاش غلطان وكمان بتزعق

يوسف…..كل ده عشان فكرت اننا واحد ولما احتاج يبقي انتي اول واحده تقفي معايا

دره…..تعرفني تتكلم معايا تسألني لكن متتصرفش من دماغك يا يوسف 😡

يوسف…..ليه احنا مش واحد؟