لقاء كارثي

نادين….بدموع طيب خلينا نروح نطمن منه عشان هي ترتاح شويه

فضل….ماشي تمام نوني تروحي يلا نروح نطمن عليهم

نعيمه…بدموع خليني معاهم شويه

نجود…ماهي وقفتك دي باللي انتي عملته ده هتخليكي تقعي من طولك

نعيمه….بدموع خلاص والله هسكت بس سيبوني جنبهم شويه

فضل…طيب خلاص خليكي يا قلبي

عسال….لا حول ولا قوه الا بالله خير يارب خير

نادين طبطبت علي ضهر تقي بصتلها تقي بهدوء و عيطت جامد

نادين…بدموع بس يا تقي بس انتي كمان

تقي…..بدموع وحشتني اوي والله العظيم و حشني الكلام معاها اوي

نادين….وحشتنا كلنا هي ونادر قريب هنطمن عليهم باذن الله

عسال….اهدي يا تقي اهدي و بطلي عياط ادعيلها كتير

تقي…..انا مش بعمل حاجه غير اني بدعي بس

فضل……ربنا يتقبل كل دعواتنا ليهم يارب

نجود…..كفايه عنيكم باظت و هتصدعوا يا حبايبي

عسال……فضل انا بقول نروح نطمن احسن من الدكتور لان الوقفه هنا مش احسن حاجه لنعيمه

فضل…هز راسه نوني يلا يا حبيبي خلينا نروح نسال الدكتور عن حالتهم و نطمن احسن

دقايق بسيطه و خرجت معاهم نعيمه و راحوا لمكتب الدكتور خبطوا ودخلوا.

فضل….مساء الخير يا دكتور

الدكتور….مساء الخير تعالوا اتفضلوا ايه اطمنتوا علي الشباب

فضل…..هز راسه بمعني نص نص
ااا يعني اطمنا شوفناهم بس اكيد محتاجين نطمن اكتر من حضرتك علي الاقل عشان اختهم تهدا شويه
زي ما حضرتك شايف حالتها

نجود…اه ياريت يا دكتور تطمنها شويه

الدكتور….بابتسامه هاديه متقلقيش عليهم هما بخير

نعيمه….بدموع و وجع فظيع بخير ازاي بس محدش فيهم في حته سليمه ارجوك قولي الحقيقه حتي لو كانت ايه و النبي مش عايزه اتصدم اكتر من كده مش عايزه اتفاجئ قلبي مبقاش متحمل والله

الدكتور…..صدقيني هما بخير و بيستجيبوا بشكل كويس و عدينا من مرحله الخطر

نعيمه….طيب ليه مش بيفوقوا ليه كل ده في غيبوبه ؟

الدكتور….ابتسم ابتسامة هادية أنا عارف إن كلمة غيبوبة بتخوف أي حد لكن في حالة أخواتك الوضع مختلف تماماً

أول حاجة أحب أطمنك عليها إن الاتنين عدوا أخطر مرحلة في الحادثه ودي كانت أول 48 إلى 72 ساعة انهارده اهو ثالث يوم والحمد لله خرجوا منها من غير أي تدهور دلوقتي كل مؤشراتهم الحيوية مستقرة ضغط الدم طبيعي النبض منتظم نسبة الأكسجين ممتازة والتنفس مستقر والأهم إن مفيش أي علامات بتقول إن في نزيف جديد أو تورم في المخ بيزيد وده اللي كان قالقني في البدايه لكن الحمد لله النزيف اتوقف تماماً عند الشاب بالاخص
سكت لحظة أخوكي كان عنده نزيف داخلي واتعاملنا معاه في وقته وارتجاج قوي مش بسيط وكسر في الفخذ وإصابات متعددة وأختك كان عندها كسر في الكتف وارتجاج بسيط بالمخ وكدمات وجروح لكن الإصابات كلها دلوقتي تحت السيطرة.