لقاء كارثي

ليله…..بابتسامه الحمد لله مش زعلانه خلاص والله انا راضيه والله راضيه انا كان نفسي بس افرح عشري اوي كان نفسي افرحكم وافرح معاكم

ايمي….يا هبله حد فينا ممكن يفرح بخبر زي ده الا لو انتي بخير عشري بيموت فيكي يا خايبه و انتي اهم حاجه عنده في الدنيا يعني لو عايز ولاد اكيد مش هيعوزهم الا لو انتي بخير و كلنا هنفرح اكيد بيكي بس المهم الوقت انك وسطنا دي اصلا فرحه كبيره انتي مش قادره تتخيلها
يعني ربنا فرحنا وسط كل الهم ده بسلامتك و انك خرجتي منها علي خير ليله احنا كنا عاملين زي اللي ماشيين في نفق ضلمه عمالين نتوجع بس وناخد في صدمات و انتي كنتي اخر صدمه فيهم و فجاه سلامتك كانت نور بسيط خلانا عرفنا ناخد نفسنا دي اللت اللي مقهوره علي اهلها بقت تجري زي المجنونه ونسيت والله يا ليله نسيت مكانتش بتفكر غير فيكي ايه اللي مكانتش قادره تقف و التعب والادويه هادين حيلها بقت تجري زي الحصان كلنا نسينا وجعنا وتعبنا وهمنا عشانك عشان انتي غاليه يا ليله عشان تهمينا لما انفجرت فيكي كان غصب عني كنت شيفاكي بتروحي مني و ماصدقت شوفتك قدامي وصحيتي يمكن غلطت ومكانش ينفع اعمل كده بس استفزتيني لما سالتي عن رحاب وانا لسه عارفه منها انها عارفه انك بتموتي من امبارح وساكته ملقتش غيرك قدامي كان هاين عليا اعمل زي الام اللي ابنها بيتوه منها وبدل ما تحضنه وتطمنه تديه ميت كف علي وشه وانا كان نفسي اديكي ميت الف كف علي وشك ليله لو كان جرالك حاجه و الله العظيم مكنتش هسامحك

ليله….بدموع ضحكت حقك عليا و وشي قدامك يا ستي اعملي اللي انتي عيزاه

ايمي…. بابتسامه تتقطع ايدي ربنا يخليكي ليا ليله انتي روحي و قلبي اللي بيدق و نفسي اللي بيطلع انتي عارفه اني تخطيت معاكي خط الصحوبيه و الاخويه انا علاقتي بيكي روح بروح بوجودك انا عايشه بعدمه انا ميته لو بتحبيني بجد خافي علي نفسك متجيش علي نفسك عشان اي مخلوق حتي لو انا لان خوفك عليا لو المقابل اذيتك تبقي بيأذيني هتبقي عامله زي الدبه اللي قتلت صاحبها يا فرحتي خوفتي عليا او علي اي حد قريب منك وروحتي انتي فيها كده هتبقي حافظتي علينا يا غبيه كلنا هنموت عليكي و حياتي عندك متعملي فيا كده تاني متحطنيش في الموقف ده ولا تختبريني فيكي ابدا لان اختباري فيكي معناه موتي يا ليله