لقاء كارثي

قمر…..احنا كمان والله حبيناكي جدا بس والله غصب عننا

حنان….طبعا الحزن مش بايدنا

امينه…بس لازم تصلبوا طولكم و تجمدوا عشان خاطر نعيمه و اخواتها لما ربنا يقومهم بالسلامه هما الوقت او نعيمه بالاخص في حاله مش حلوه و محتجالكم كلكم تقوها و توقفوها علي رجلها ملهاش غيركم تتعكز عليه

اميمه…مقطعه قلبي والله العظيم وجعها ومصيبتها كبيره و انا حاسه اني متكتفه وانا مش عارفه اعملها حاجه مفيش في ايدي حاجه اصلا تتعمل

امينه…لاه في ادعيلها ربنا ينزل علي قلبها الصبر والسك..ينه والرضا اجمدي قدامها لانها الوقت في حاله مش كويسه هتاخد منك اللي هتديهولها ادتيها حزن هتحزن قوتيها هتكبري الرضا والصبر في قلبها اوقات الكلام حتي لو مهيعملش حاجه او يغير حاجه لكن بيريح

ماريز….معاكي حق و احنا في ايدنا يا اميمه كلام و فعل وقفتنا جنبها في الوقت ده اهم من اي وقفه وقفناها قبل كده الام بالاخص متتعوضش و بتوجع و هي حبيبتي فارقت الاتنين الامان و الضهر جايز منقدرش نعوضها بس نقدر نخفف عنها..

خبطت سلمي علي عشري اديته القهوه و بعدين راحت قعدت جنب ايمي

اميمه….ربنا يخفف عنها ويسيل الوجع من قلبها و قلب اخواتها لما يعرفوا

مها….سبحان الله من تقلبات الحياه من كام يوم كنا متجمعين كلنا عشان نفرح بنادين وميدو و انهارده كلنا متجمعين عشان نودع نجلاء و عادل
و كأن تجمعنا في الفرح كان وداع ليهم و احنا منعرفش

ماريز….بحزن الدنيا مبتستأذنش يا مها في لحظة بتجمعنا عشان نفرح وفي لحظة تانية بتجمعنا عشان نودع.

وإحنا قاعدين يوم فرح نادين وميدو محدش فينا كان يعرف إن دي آخر مرة هنشوف نجلاء وعادل وهما وسطنا كنا بنضحك معاهم وبنتصور ومكناش عارفين إنها آخر ذكرى هتفضل لينا معاهم.

الغريب إن الإنسان دايماً فاكر إن لسه قدامه وقت لسه فيه بكرة ولسه فيه فرصة يقول الكلمة اللي مأجلها أو الحضن اللي مأخره وبعدين فجأة يكتشف إن الوداع حصل وهو ميعرفش يمكن أصعب وداع في الدنيا هو الوداع اللي بيكون وإنتي مش مدركه إنه آخر لقاء.

مها….معاكي حق

امينه…..اللهم اكفينا شر فواجع الاقدار ويرجمهم يارب و يصبركم و يصبر نعيمه و اخواتها

ماريز…يرب

اميمه…اللهم امين يارب

قامت ليله بهدوء و قفت

امينه…علي فين يا حبيبتي

ليله…بخنقه باينه علي صوتها ااا هشوف عشري وجايه تاني