لقاء كارثي

جاسم…..متخافيش عليها و انا هقول لبابي اني مش همشي غير لما نطمن علي نادين و الناس اللي استقبلونا احسن استقبال كانهم يعرفونا من زمان مامي انا يمكن معرفش الناس دي غير اليومين بتوع الفرح بس بجد زعلت عليهم و الموقف كله بجد صعب كلهم في حاله مش حلوه و بيتهيالي هتفرق كتير في نفسيه نادين لو حست اننا قاعدين خصوصا لو بباها كمان سافر بكره

شيرين….بابتسامه يعني انت فارق معاك زعل نادين

جاسم….طبعا يا مامي انا مضايق عشانها اوي يعني شوفتي فرحتها بينا لما حضرنا فرحها كانت عامله ازاي و كانت اصلا مبسوطه ازاي و في لحظه كل ده اتبدل هي بجد صعبانه عليا اوي و بصراحه انا مش همشي و اسيبها و هقول لبابي الوقت اني مش هقدر ارجع غير لما اطمن علي اختي

ابتسمت شيرين و هزت راسها بهدوء
و هي من جواها مبسوطه.

……………..

الوقت كان بيعدي تامر وصل نغم واطمن علي اخواته و بعدين سابهم و نزل نعيمه و نادين و نجود والشباب رجعوا تاني عالبيت وصلوهم وبعدين راحوا علي بيت نادين عشان يبداوا يجهزوا

نجود…هي امينه فين

حنان……نامت يا حبيبتي علي نفسها وهي قاعده من التعب صحتها تدخل ترتاح جوه شويه لحد ما ننزل مكانتش راضيه بس دخلتها بالعافيه انا والبنات حرام مش قادره

نجود….هي فعلا ملحقتش تنام خليها ترتاح شويه

حنان…..ربنا يديها الصحه يارب

ايمي…..بصوت هادي اطمنتي علي نسمه ونادر

نعيمه….بصتلها بحزن و هزت راسها مش عارفه يا ايمي المفروض اطمن ولا افضل قلقانه كلام الدكتور يطمن بس من كتر ما انا مرعوبه خايفه اصدق

ايمي….باست راسها وضمتها هيبقوا زي الفل والله هي بس مساله وقت و هنطمن يا نوني متخافيش اطمني و خليكي واثقه في ربنا

أمنيه…ربنا يقومهم بالسلامه يا نوني

نعيمه….يارب قلبي واجعني وانا شيفاهم كده

ايمي…سلامه قلبك ربنا يتم شفاهم علي خير و يطمن قلبك يارب

سلمي…..نوني مش هتغيري يا قلبي عشان تاكلي بقي

نعيمه….انا مليش نفس يا سلمي و النبي ما تضغطوا عليا في موضوع الاكل ده انا فطرت وسمعت كلامكم ريحوني بقي

ايمي…مفيش راحه الاكل ملوش علاقه كلي غصب عنك

امنيه… اليوم طويل يا نعيمه عشان متتعبيش

سلمي…كلي حاجه بسيطه يا نوني

نعيمه….طيب بس شويه كده

سلمي…ماشي يا قلبي علي راحتك

نعيمه….هي فين ليله صحيح؟