لقاء كارثي

بصتلها ايمي بهدوء كانت حاسه من صوتها انها مش بخير و كلامهم وجعها

امينه…طيب علي مهلك يا قلبي

……..

قربت ليله من الباب وفتحت عشري كان قاعد عالكرسي مولع سيجاره و القهوه قدامه و حاطت ايده علي راسه اول ما شافها دخلت ساب السيجاره وقام بسرعه قرب منها

عشري….ايه يا قلبي تعالي

بصتلوا ليله و دخلت في حضنه من غير ولا كلمه

عشري…..ايه يا عمري مالك فيكي ايه

فضلت ساكته و دموعها نازله

عشري…بعدها عنه وبصلها ليله مالك يا قلبي تعبانه حاسه بحاجه؟

هزت راسها بهدوؤ وهي بتعيط

ليله….انا مخنوقه يا عشري حاسه اني بتخنق من اللي حاصل و الجو ده

عشري…طب اهدي اهدي تحبي ننزل اخدك وننزل تحت نلف بالعربيه او تروحي اي مكان

ليله….بدموع لا لا مش عايزه مش هينفع

عشري…لا هينفع يا ليله و بطلي تفكري في اي حد كده كده نعيمه مش هنا خلينا ننزل شويه ياستي نفضل تحت حتي شمي هواء

ليله…..بدموع مش عشان كده والله بس بلاش عشان ارتاح اكتر واقدر انزل بليل

عشري…..ليله ممكن تفكري في نفسك شويه ما هو اللي بتقوليه ده يعني بتفكري في غيرك بتحاولي ترتاحي عشان تقدري تكوني موجوده بليل

ليله….بدموع عشري ممكن تسكت شويه..

عشري…..بصلها بحزن و ضمها طيب خلاص بطلي عياط و حياتي عندك هسكت خلاص

فضل واخدها في حضنه شويه و بعدين مسكها من أيدها وراح بيها عالسرير

عشري…. تعالي ريحي شويه هنا و انا هفضل جنبك

ليله…..خلاص انا كويسه هروح بس اغسل وشي وأخرج عشان امونه بره مينفعش نسيبها

عشري…بعصبيه بسيطه لا مش هتخرجي و هترتاحي شويه و امي مش ضيفه جيالك بيتك وانتي سيباها ونايمه امي جايه تعمل واجب و اصول و معاها الكل بره مش لوحدها متعصبنيش عليكي بقي واقعدي هنا شويه الجو والنكد والحزن اللي بره ده مش كويس عشانك ممكن تسمعي الكلام مره واحده بس

بصتلوا و نزلت دموعها اكتر قرب منها كفه و مسح دموعها و بصلها بغضب بسيط وبعدين حط كفه علي راسها وضمها علي صدره

عشري….خايف عليكي والله العظيم اللي حاصل بره ده يهد اي بني سليم وانتي اصلا تعبانه فكري شويه في نفسك يا ليله اقفي واعملي الصح مع الكل انا مش معترض بس متجيش علي نفسك ارتاحي عشان تقدري حتي تقفي معاهم متوجعيش قلبي معاكي انا والله العظيم مش متحمل اشوفك كده ليله اسمعي كلامي من فضلك و ارتاحي شويه هنا الجو بره مش هيبقي احسن حاجه الكل حزين و الطاقه اللي انتي محتجاها مش مناسبه مع الطاقه اللي بره دي خالص انا وافقت تروحي بليل وتفضلي مع نعيمه وتقفي معاها بس وحياه غلاوتك عندي لو ما سمعتي كلامي وريحتيني لا هاخدك من ايدك غصب عنك و هرجع بيكي علي بيتنا فا اهدي بقي عشان متصرفش تصرف يزعلك مني ممكن