لقاء كارثي

ليله….حقك عليا والله مكنتش اقصد وصدقيني مش هتتكرر تاني بس انا طالبه منك طلب وعارفه ان قلبك طيب

ايمي…هتقوليلي رحاب تاني

ليله….ايمي البنت ملهاش ذنب والله العظيم انا واثقه انك شوفتي رحاب زي مريم في الوقت ده وفكرتيها قاصده تخبي بس انا كنت معاها في الموقف و شوفت هي قد ايه كانت منهاره وبتحاول تغير رايي انتي عرفاني كويس يعني لو شايفه انها وحشه هحذركم منها هحذر نعيمه علي الاقل بس والله البنت معملتش معايا غير كل خير اصلا لولا العصير اللي كانت بتشربوهلي غصب ده انا كنت موت السوايل اللي شربتها دي عوضتني جايز تشوفوا ان ده تصرف بسيط ومش كفايه بس والله هو اللي انقذني خفي عليها البت مش حملك انتي وأيه البطلجيه و سبحان من هدي نعيمه عليها هي اكيد هتيجي في العزاء بلاش بالله عليكي تضايقيها كفايه اللي عملتوا فيها وسط الكل حرام طلعتوها شريره

ايمي…..غصب عني حطي نفسك مكاني كان زمانك مموتاها في ارضها و حتي لو هخف عليها هي غلطانه مكانش لازم تسمع كلامك

ليله…..مش انتي لسه قايله ان مليش نصيب فيه و بتحاولي تخليني اهدي و ارضي انتي كمان لازم ترضي و تبقي مقتنعه من جواكي ان ادام مليش نصيب فيه حتي لو كانت رحاب قالت كان هينزل صح ولا غضبك منها هيخليكي تتخطي الصح

ايمي……انتي عايزه ايه الوقت مني

ليله…بابتسامه يبقي انا كده لمست الحته اللي بدور عليها مش عايزه يا ستي عيزاكي بس تهدي عالبت انا جنبك خلاص عايزه ايه تاني

ايمي…بابتسامه حب مش عايزه خلاص سماح ادام انتي بخير و في حضني تهون الدنيا عشانك

ليله….بصتلها بحب و زعل كنت محتجالك يا جزمه

ايمي….بضحكه جميله ضمتها اوي و باست راسها عارفه بس انا جنبك و جواكي بحبك يا ليله

ليله….وانا بحبك اكتر ااا طمنبني نوني عامله ايه

ايمي…..بعدت عنها وبصتلها هتموت يا ليله احنا لازم نعمل حاجه عارفه ان مفيش حاجه تتعمل بس خايفه عليها اوي بقولك ايه تعالي نروح شويه نشوفها

ليله…..ماشي يلا استني بس اكمل لبس بسرعه

ايمي…طيب علي مهلك

ليله…. ايدك احسن

ايمي…..اه تمام

ليله…رشي عليها برفيوم تاني

ايمي…..طيب يلا بس انتي اجهزي اساعدك

ليله….لا ارتاحي يا قلبي انا كويسه

كملت ليله لبسها و خرجت هي وايمي و الغريب ان ليله خرجت قدام الكل بحاله مختلفه اه الحزن والتعب باين عليها لكن كأنها استعدادت جزء من قوتها ثباتها وقفتها حضورها قيادتها في اي موقف صعب