لقاء كارثي

الدكتور…طبعا خدي وقتك واسالي زي ما انتي عايزه

نعيمه….بدموع طيب هو ممكن حد فيهم لما يفوق نكتشف انه حصله اي مشكله من الحادثه دي ولا هما كويسين خلاص

نجود….بعد الشر

الدكتور…بصي نتكلم بكل صراحه ؟

نعيمه….بدموع وخوف اكيد

الدكتور….أي مريض بيتعرض لحادثة بالحجم ده إحنا عمرنا ما بنقول بنسبة مية في المية إن مفيش أي آثار ممكن تظهر بعد ما يفوق لأن المخ والجسم بيحتاجوا وقت عشان يورونا النتيجة النهائية.

بلعت ريقها بخوف فا كمل بسرعه

لكن خليني أطمنك الفحوصات والأشعات اللي اتعملت لأخواتك مطمئنة جداً مفيش إصابة كبيرة في المخ ولا تلف ظاهر في أي منطقة مسؤولة عن الحركة أو الكلام أو الذاكرة وده أهم شيء كنا بندور عليه.

الارتجاج اللي حصلهم إصابتة كانت مؤقتة في أغلب الحالات ومع الراحة والمتابعة بيتحسن تدريجياً بعد الإفاقة ممكن تلاقيهم مشوشين شوية أو مش فاكرين الحادثه أو مرهقين أو عندهم صداع مستمر ودي كلها أمور متوقعة بعد إصابات الرأس وغالباً بتتحسن مع الوقت و ممكن كل ده ميحصلش و يفوقوا فاكرين كل حاجه عادي و طبيعين

نعيمه….بخوف يعني مش ممكن يفوقوا ومايعرفوناش؟ أو مثلا حد فيهم ميقدرش يمشي او يتحرك

الدكتور…ابتسم و هز راسه بالنفي
احنا لحد دلوقتي معندناش أي مؤشر يقول كده بالعكس أثناء متابعتنا بنختبر استجابتهم العصبية والحسيه باستمرار واستجاباتهم مطمئنة جداً وده بيدينا أمل كبير إنهم هيرجعوا لطبيعتهم.

في الطب إحنا عمرنا ما نوعد بحاجة قبل ما المريض يفوق ويتم تقييمه بالكامل لكن أقدر أقولك إن كل المؤشرات اللي قدامنا النهارده بتقول إن فرص تعافيهم ممتازة بإذن الله ومفيش أي علامة دلوقتي تخلينا نتوقع مضاعفات ابتسم ابتسامة هادية وختم كلامه دلوقتي إحنا مش قلقانين من حياتهم لاننا عدينا مرحله الخطر إحنا مستنيين بس اللحظه اللي يفتحوا فيها عينيهم وبعدها هنبدأ خطوة خطوة مرحلة التأهيل وإن شاء الله تعدي على خير مش عايزك تقلقي خالص انا مهتم بحالتهم بنفسي و هما تحت اشراف طبي ممتاز والحقيقه ان كل اللي متابع حاله اخواتك ممتازين محدش مقصر معاهم خالص

نجود…ربنا يقويكم يا دكتور

نعيمه….بدموع شكرا بجد يادكتور مش عارفه اقول ايه لحضرتك بس معلش والنبي استحملني انا هموت عشانهم والله