لقاء كارثي

بصتلوا ايمي بهدوء و كانت حاسه عشري هيقول ايه

سلمي….قول يا عشري

عشري…..انا معنديش شك ابداً في خوفكم علي ليله و حبكم ليها و عارف هي بالنسبالكم ايه وانتوا عموما كلكم بالنسبه لبعض ايه بس انا عايز موضوع الاجهاض و اللي حصل ده يتقفل خالص يعني مش عايز عتاب ليها تاني ولا عايز حد فيكم يلومها او يحسسها انها غلطت الكلام مفيش منه فايده اللي حصل حصل خلاص اولاً الوضع العام اللي احنا فيه مش متحمل ان حد فينا يضغط علي التاني او يلوموا عارف ان ده خوف منكم عليها و عارف كمان ان الظروف اللي احنا فيها ضاغطه عليكم فا ده بيتترجم بطريقه جامده شويه عليها بس ليله محتجالكم اوي اكيد انتوا عارفينها اكتر مني هتقول بخير كويسه الموضوع مش مضايقها او راضيه كل ده تمام بس اكيد هي موجوعه وكل ده كلام من وراء قلبها

سلمي….احنا عارفين يا عشري و مقدرين حالاها و انا يمكن اتكلمت من شويه في الموضوع ده مع ايمي

ايمي…..متقلقش يا عشري لو كلامك ده ليا فا انا مش هتكلم تاني في اي حاجه بس ده ميمنعش اني صح و عند كلامي

عشري….ايمي انتي عارفه كويس اني معاكي مليون في الميه و يمكن انا وقت اللي حصل كان نفسي اقول كل كلمه انتي قولتيها بمعني اصح انتي قولتي كل اللي كنت حاسس بيه سواء من غلط ليله او من غلط رحاب و انا ايدتك وقتها و البنات كمان ايدوكي ليله نفسها منطقتش قدامك عشان عارفه انك صح

بس ليله تعبانه يا ايمي و نفسيتها في الارض من الحادثه و اللي شافته هي ونعيمه غير الاجهاض اللي كمل عليها بصي يا ايمي انا قاعد هنا معاكم الوقت عشانك انتي بالذات الموقف اللي انتي وخداه من ليله حقك و ده حق الصحاب علي بعض

بس ليله محتجالك اوي طبعا و جودكم كلكم فارق مع ليله لكن انا عارف ان ليله هتتحسن شويه لو ايمي قربت منها اتكلمت معاها ايمي انتي عارفه غلاوتك عند ليله و عشان خاطري متسيبهاش في الحاله دي حتي لو هي غلطانه ايمي محتجالك و يمكن تقيله عليا اني اقولك ليله محتجالك اكتر مني

جايز هي شايله همي و همك شايله همي اني ازعل او اضايق او اخاد منها موقف وانا اتكلمت معاها وهي ارتاحت شويه و جه دورك يا ايمي

ايمي…..عشري انت بتتكلم كأني واخده موقف من ليله او مش بكلمها او زعلانه منها انا زعلانه عليها هي و اترعبت عليها هي و صدقني انا عشان خافظه ليله و تركيبة دماغها مكانش هينفع معاها غير الطريقه دي ليله عقليه صعب السيطره عليها او التحكم في تفكيرها و كتير بتغلط في حق نفسها و عندها القدره انها تقنعك بغلطها ده غلطته ليه