لقاء كارثي

سلمي…هتبقي بخير والله ان شاء الله نخلص بس من اليومين دول و نروح نطمن عليها

ايمي….ان شاء الله بقولك ايه متعرفيش موبايلي فين عايزه اطمن علي نعيمه

سلمي…استني هشوف الموبايل

…………….

في منزل احمد

قربت نغم بهدوء حطت ودنها علي الباب بتاع احمد و سمعت صوت عياط مكتوم يقطع القلب راحت بسرعه علي تامر خبطت براحه و وقفت شويه ثواني و فتح تامر

تامر….ايوه يا نغم في ايه مالك

نغم….تامر معلش ممكن تبجي تشوف بابا

تامر….بقلق خرج بسرعه ماله

نغم….معرفش سمعاه تقريبا بيعيط و مش عايزه ادخل واضايقه شوفوا بالله عليك احسن يتعب

تامر….ماشي ماشي مشي بسرعه علي اوضه احمد و هي راحت وراه بس فضلت واقفه بره

خبط تامر خبطه بسيطه و بعدين فتح علي طول لقته قاعد علي حرف السرير ضهره للباب و مايل بجسمه علي قدام و منهار

بص تامر بنظره حزينه و جري عليه بسرعه قعد جنبه و حط ايده علي كتفه

تامر….بابا

أول ما أحمد حس بلمسة تامر رفع وشه ببطء و بصله بعينين غرقانين دموع وفي ثانية اترمى في حضنه.

ضمه تامر و انهار احمد في حضنه و وقفت نغم بره عالباب تعيط في صمت من المشهد اللي قدامها اول مره تسمع احمد بيعيط بصوت و قهره و عامل زي الطفل في حضن تامر

تامر….بدموع في عينه و ثبات بيحاول بتحلي بيه عشان خاطر ابوه وحد الله وحد الله يا حبيبي ربنا يصبر قلبك

هز أحمد راسه بالنفي وسط شهقاته وكلام خرج متقطع من بين دموعه

أحمد….كان كان أخويا والله ما كان صاحبي بس ده كان حتة مني كان بيفهمني من نظره مليش غيره هو وحماده أقسم بالله حاسس إن ضهري اتكسر كان راجل جدع و طيب و متربي عمره ما اذي حد عمره ما شال من حد

تامر كان بيسمعه و عمال يطبطب عليه وسايبه يتكلم عشان يرتاح

احمد….بقهر عمري ما احتجته وملقتهوش كنت اكلموا و انا مضايق يفهمني من صوتي و يقولي ايه يا احمد مالك قلبه كان ابيض و كان يستاهل يفرح كمل بصوت عياط عالي و قهر لسه بدري يا صاحبي كان لسه بدري والله

تامر…بوجع وحد الله و حياتي عندك اهدا

احمد….بقهر وجعنيييي وجعني اوي يا تامر مش قادر ااا مش قادر اصدق انه خلاص مبقاش موجود مش هشوفه تاني و نتجمع انا وهو وحماده ده ده يا حبيبي كان لسه بيكلمني وفرحان انه رايح عمره و مبسوط اوي و عامل زي العيل الصغير كل شويه يكلمني و يقولي انا جيبت لبس الاحرام انا جيبت شنطه جديده و شبشب جديد عايز اروح وانا جايب كله جديد في جديد قولتلوا انت حاجتك كلها حلوه وجديده يا عادل