لقاء كار.ثي

سليم….لا انتي هتكلميني لما توصلي و لما تخلصي كده كده انا يغتبر قلقت خلاص هفضل بس مريح شويه كده علي السرير لما توصلي هقوم خلاص عشان اجهز وانزل للشباب

نسمه…..طيب اوك

سليم…..يلا ركزي في الطريق و علي مهلك

نسمه….حاضر باي يا سليم

سليم….باي يا قمر

ابتسمت نسمه وقفلت

…………….

علي الساعه ثمانيه و تلت وصل عدي و تقي عند الجامعه بتاعتها اول ما لمحت زحمه كتير من بعيد بدأت تتوتر

تقي…..ايه المنظر ده بجد انا اتوترت

عدي….ما اكيد مكنتيش هتمتحني لوحدك يا قلبي

تقي….. اكيد بس منظر يوتر انا بحاول احسس نفسي اني مش رايحه امتحان

عدي…..لا متخافيش خالص ان شاء الله الامتحان هيكون سهل

تقي…..يارب

عدي…..ركزي و سمي كده و بأذن الله هتخلصي تلاقيني واقفلك

تقي…..طيب تمام

عدي…..يلا علي مهلك بحبك

تقي….بابتسامه ااا احممممم وانا كمان

عدي…..بضحكه تجنن طيب يلا عبيطه انزلي روحي شوفي تمارا فين صحيح انتي في حد من صحابك معاكي في نفس المكان اللي هتمتحني فيه

تقي….بابتسامه انا و تمارا مع بعض
نفس الحرف علي فكره

عدي….اه صح طيب كويس ربنا معاكم

تقي…..عدي انت هتمشي صح ؟

عدي….اه هروح شويه الكافيه و بعدين هجيبلك ما انا من جامعتك لزايد اقرب بكتير من بيتك

تقي…. طيب تمام علي مهلك بقي

عدي…..حاضر يلا انزلي عشان متتأخريش

تقي…..باي

عدي….باي يا حبيبي مانسيش اللي قولتلوا هاااا اي حد متعرفيهوش متتعامليش معاه

تقي…..حاض متخافش يلا باي

عدي….باي

نزلت تقي و مشيت كام خطوه و بعدين بصتلوا وقالتلوا باي و كملت لحد ما اختفت و اتحرك هو بعدها.

…………..

اما عند نسمه فا بمجرد ما وصلت اتصلت علي سليم رنت رنه صغيره و قفلت بسرعه ثواني بسيطه و اتصل عليها هو.

نسمه……ايوه يا سليم

سليم…..هو انتي رنيتي ولا انا بيتهيألي

نسمه…..لا رنيت بس قفلت علي طول قولت لو صاحي هتتصل لو نايم بلاش تصحي بس شكلك صاحي

سليم…..اه صاحي خلاص وصلتي

نسمه…..ايوه وصلت خلاص بس لسه هنزل من العربيه

سليم…..طيب تمام بسرعه شويه بقي عشان قدامك حوالي نص ساعه

نسمه…..ما انا هدخل علي طول متقلقش

سليم…..تمام ركزي و متوتريش نفسك اقرأي قران و براحه كده ان شاء الله الامتحان يكون سهل

نسمه….يارب يا سليم

سليم….اهدي متخافيش هيبقي سهل المهم اقراي قران كده و سمي الله