لقاء كار.ثي

ايه….لا متخافش هو بابا مش هيسيبها المره اللي فاتت لما جات مسبهاش و كان بيلعب معاها طول الوقت

سلامه….طيب يا حبيبي خلاص انزلي و انا هخلص كام حاجه ورايا و بعدين هعدي عليكم اخر النهار بس المهم اول ما توصلي تتصلي عليا تطمنيني و هفضل معاكي كل شويه بالتليفون لحد ما اوصلك

ايه…….بأبتسامه ماشي يا حبيبي بحبك اوي ربنا يخليك ليا

سلامه…..بابتسامه وانا بحبك اوي

ايه….يلا هروح اقول لبابا يجهز و هلبس انا و هنا و هتصل عليك لما انزل

سلامه…….تمام بس بقولك ايه

ايه….قول

سلامه…..هو انتي في شغلك عموما اتدفعلك الرقم ده قبل كده

ايه….اه في اجانب كتير ساكنين حوالينا في مدينتي و يعتبر زباين عندي من سنين بيدفعوا كده و لما بيجي رأي السنه انت عارف ان الاجانب بيهتموا جدا بالكلاب بيجيبوهم يحلقوا و ياخدوا شاور و وبيعملوا صبغه ليهم دماغهم يعني و بيدفعوا بس ليه السؤال ده بابا سألني نفس السؤال

سلامه….لا يا قلبي ربنا يرزقك طبعاً انا بس بسأل عادي بصراحه يعني موضوع مريم ده من امبارح و هو موترني و مخليني اشك في كل حاجه

ايه…..انت هتوترني ليه الرساله جايه عاظي علي رسايل البيدچ و بعدين ده شغل و الكلب حقيقي متبهدل يعني بعيد خالص عن اللي في دماغك

سلامه….انا بطمن مش اكتر يا قلبي عموما يلا روحي اجهزي و انزلي شوفي شغلك و انا بردوا هجيلك مش هسيبك

ايه…..ماشي يا حبيبي هتصل عليك قبل ما انزل

سلامه…..تمام يا روحي يلا باي

ايه….باي

ققلت ايه و خرجت قالت لاحمد انها هتروح و طلبت منه يجهز لاقته كان بيكلم حسان و بيقولوا و بعدين قفل

ايه ….بابا حضرتك كنت بتقول لحسان

احمد…..اكيد يا ايه الراجل سايب بنته امانه معانا و مع بنتي و حقه انه يعرف و انا فهمتوا و عرفتوا اني هكون معاكي انتي و هنا و هو قالي تمام و قالي كمان لو عايزني ابقي اعدي عليكم هعدي قولتلوا لا خليك هو الاول كان فاكر اني عايزه يجي ياخد هنا بس قولتلوا لا انا بس بعرفك عشان تبقي متطمن و مننزلش بيها من غير ما تكون عارف

ايه…..ايوه بس لو سلمي عرفت ممكن تزعل او هو ممكن يكون اتحرج منك و وافق بس يزعل مع سلمي

احمد…..خالص الراجل زوق هو قالي اصلا متعرفش سلمي احسن ترجع او تعتذر عن شغلها او حتي تفضل قلقانه قالي روحوا وانا لو عرفت اجيلكم هعمل كده معرفتش هبقي اتصل بيكم كل شويه اطمن عليكم