لقاء كار.ثي

ليله…..عشري انت جرالك ايه بجد ليه كل حاجه فاهمها غلط و عايز تتخانق معايا و خلاص حسابات ايه اللي بتتكلم عنها لو هتحسبها بالطريقه دي هتكلم زيك و اقولك انت كمان مش مخليني في حساباتك البيت اللي بتعمل فيه اللي يعجبك و الفرح اللي لحد الوقت معرفش عنه اي حاجه

عشري….انتي عارفه كويس اني بفاجئك و في فرق كبير لكن انتي مش هتفاجئيني انتب رايجه تتفقي مع الميكب ارتيست يبقي وجودي هيضايقك في ايه مش احسن ما تروحي لوحدك و افضل قلقان عليكي

ليله…ااااه قول كده بقي ما انا حسيت بردوا اصل الموضوع لو اهتمام و تصميم انك تكون معايا في كل مكان بروح فيه كان زمانك جيت معايا كل مشوار عملتوا

عشري….طب ما انا جيت معاكي

ليله…مره يا عشري و عشان كنت فاضي و انا مش مضايقه علي فكره انت عارف كويس ان دي اخر حاجه ممكن اصغر عقلي فيها انا بتعامل معاك علي اننا واحد لو فاضي هتيجي مش فاضي هتعامل عمري ما هزعل ولا اقولك انت مجيتش معايا غير مره

عشري…..تمام و انا فاضي

ليله…..لا انت مش فاضي يا عشري انت عايز تيجي معايا عشان قلقان من مريم

عشري…..الله يحرق مريم علي اللي جاب مريم علي سيرتها الوسخه هو انا مينفعش اقلق عليكي عادي

ليله…..لا ينفع بس انت مش فالعادي بتقلق عليا يا عشري قلقك زايد بسبب مريم و انا مش عيله صغيره و لا ضعبفه زي ما انت قولت امبارح لو عليا انا هعرف اتصرف كويس واحمي نفسي متخافش عليا

عشري….اه ماهو واضح

ليله….عشري متستفزنيش و تخلي طل مكالمه بينا تقلب خناقه

عشري….مريم سابت البيت يا ليله و هربت و غالباً فعلا عارفه كل تحاركاتنا و اكيد عرفت ان الكل اتجمع امبارح عند ايمي و رشيد

ليله…..طب ما تهرب و لا تغور في داهيه ده بقي اللي مخليك تقلق عليا لا متقلقش يا عشري لو انت بطلت رضاعه فا انا كمان اتفطمت بدري

عشري….طب بصي يا ليله اختصار لكل المناهده دي عرفيني هتروحي امته عشان هاجي معاكي بدل ما انشف دماغي معاكي و اقولك مفيش مرواح من غيري

ليله….لا وعلي ايه تنشف دماغك و تعصب نفسك انا مش رايحه خالص يا عشري ارتاح بقي و اطمن مش نازله من البيت خالص لاي سبب عشان تضمن اني في امان و مريم مش هتقرب مني

عشري….ليييييله بلاش استفزاز هو انتي فكراني خايف منها

ليله….امال انت كده ايه مش خايف